Flash News

Gjendet i pajetë pranë liqenit të Shkopetit një 23-vjeçar

U mbyt duke shpëtuar dy turistë në Shkodër, vijojnë kërkimet për trupin e kapitenit të anijes turistike

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

KRYESORE

Intervista/“Erdhi në Londër për të më surprizuar”, Erisa Xhixho rrëfen historinë e dashurisë në 'Shën Valentin': Çmenduria që bëra në 12:00 të natës

Politiko 14 Shkurt 2018, 10:07
Intervista/“Erdhi në Londër për të më

Nga Xhuliana Jakimi për Politiko.al

Në ditën e të dashuruarve, ish-deputetja e LSI-së Erisa Xhixho vjen me një rrëfim për Politiko.al. Si nisi historia me Enean, dhurata më e çmuar dhe surpriza e çmendur në 12:00 të natës.

Erisa në këtë ditë ka një këshillë për të dashuruarit: “Dashuri perfekte nuk ka dhe prandaj është e bukur kjo ndjenjë pasi sjell lot, debate, të qeshura pa fund dhe në fund të ditës njeriu do të ketë pranë dikë që është aty edhe në momente të lumtura apo të vështira. Ushqejeni dashurinë çdo ditë me gjëra të vogla pasi armiku më i madh i saj është rutina”.

Kur jeni njohur me partnerin tuaj?

Unë me Enean kemi 12 vite që njihemi, goxha shumë tani që e mendoj ( qesh), por kanë kaluar aq bukur sa na duket sikur jemi njohur dje.

Cila ka qenë dhurata e parë që i ke bërë dhe të ka bërë?

Unë i kam dhuruar një aksesor, ndërsa Enea një palë vath që unë i kam shumë qejf.

Cila është surpriza më e çmendur nga partneri që ju ka lënë pa fjalë?

Herë pas here ne i bëjmë surpriza njëri- tjetrit na pëlqejnë. Unë mbaj mend për ditëlindje i kam shkuar në 12:00 të natës në shtëpi për ta uruar dhe festuar bashkë. Kurse një surprizë e Eneas ka qenë kur me erdhi surprizë në Londër kur unë në atë kohë studioja, ka qenë shume emocionuese.

Si ka ndikur mëmësia tek ju? E festoni vetëm me partnerin ditën e të dashuruarve apo dhe me Henrin?

Mëmësia gjithmonë krijon një harmoni dhe shton dashurinë, lidhjen midis çiftit. Ne gratë përkedhelemi më shumë po na takon ( qesh.) Festa e të dashuruarve pavarësisht kritikave që ka çdo vit si festë konsumi, unë them më mirë se dashuria nuk ka, që këshu shumë mirë që është një festë e tillë. Por gjithashtu mendoj që dashuria është si lulja që duhet të kujdesesh çdo ditë (jo vetëm 1 herë në vit) me përkushtim dhe dashuri që ajo të lulëzojë. Festën me raste ka vite qe e kalojme vetem, vitet e fundit me Henrin, varet.

Si do e kaloni ditën e sotme dhe cila është dhurata për bashkëshortin tuaj?

Besoj do kalojmë një darkë të këndshme me njëri-tjetrin, sa për surprizën e kemi pas ca muajsh kur te vi goca (qesh).

Kush është më romantik nga ju të dy?

Besoj unë, më pëlqejnë shumë letrat e dashurisë, kartolinat. Kur udhëtoj i praktikoj sa mundem pasi mendoj që dhurojnë më shumë emocion se çdo gjë tjetër.

Si e mbani gjallë dashurinë për njëri-tjetrin?

Përkushtimi, kujdesi për njëri-tjetrin çdo ditë pavarësisht impenjimeve. Gjithashtu mendoj mbështetja që i japim njëri -tjetrit për t’u realizuar në profesion i jep dinamikë lidhjes. Duke respektuar gjithmonë hapsirat që ka nevojë çdo njëri nga ne, pa asfiksuar mardhënien me posesivitet. Çelsi për mua mbetet dashuria dhe respekti i tjetrit në marrdhënie.

Jeni shprehur shumë e lumtur për pritjen e vajzës. Keni menduar për emrin? Kush është më i lumtur, ju, partneri apo Henri për pritjen e vajzës?

Shumë të lumtur jemi të 3 nuk do veçoja dikë. Për emrin kemi bërë një listë po të jem e sinqertë ende nuk kemi arritur tek ai i duhuri po kemi dhe pak kohë shyqyr.

Ndërkohë po i flasim gjithë kohës Henrit për motrën dhe tani që barku duket e përkëdhel që kshu në atë botën e tij besoj po kupton diçka.

Një këshillë për të dashuruarit?

Vështirë të japësh këshilla, por në qoftë se do thoja diçka është se dashuri perfekte nuk ka dhe prandaj është e bukur kjo ndjenjë se sjell lot, debate, të qeshura pa fund dhe në fund të ditës njeriu do të ketë pranë dikë që është aty edhe në momente të lumtura edhe të vështira. Ushqejeni dashurinë çdo ditë me gjëra të vogla pasi armiku më i madh i saj është rutina. Gëzuar të gjithëve 14 Shkurtin dhe vetëm buqeshje e dashuri paçim./Politiko.al/

Të fundit