Flash News

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

Banorët përplasen me policinë në Theth: Jemi në tokën tonë

Rihapet çështja e vrasjes së mësueses italiane, e dyshuar një 47-vjeçare shqiptare

KRYESORE

Intervistat e kandidatëve të SPAK me regjistrim të fshehtë, kreu i KLP sqaron pse s'do jenë publike: Ishte keqkuptim  

Politiko 8 Korrik 2019, 13:25
Intervistat e kandidatëve të SPAK me regjistrim të fshehtë,

Kreu i Këshillit të Lartë të Prokurorisë, Gent Ibrahimi ka dhënë sqarime për mediat, lidhur me procesin e intervistimit të katër kandidatëve të parë të SPAK.

Ai tha për mediat se intervistat e tyre u regjistruan me audio dhe video, por nuk bëhen publike për mediat, për shkak se ato janë pjesë e një procesi administrativ të përzgjedhjes së kandidatëve.

Ibrahimi shtoi se ka patur një keqkuptim në deklaratën e tij të parë lidhur me këtë çështje, pasi duhet të kishte sqaruar se bëhej fjalë regjistrimin që do t’i shërbente vetëm nevojave të procesit.

“Ka patur një keqkuptim në deklaratën time të parë, edhe pse ju referova rregullores që seancat regjistrohen në audio dhe video, do duhej t’ju kisha sqaruar edhe më tej se fjala është për regjistrimin që i shërbejnë nevojave të procesit administrim të përzgjedhjes së kandidatëve, ne kemi nevojë ndoshta t’i rikthehemi një interviste për të kuptuar dicka më mirë. Kjo është arsye pse regjistrohen intervistat me kandidatët, jo që të bëhen publike

KLP tregoi se ne jemi të prirur për të qenë të hapur, por do ju lutesha të mirëkuptoni se ajo që u zhvillua sot ishte pjesë e një procesi administrativ me 3 etapa, që iu dedikua shqyrtimit për dokumentet e kandidatëve, sot konfirmuam gjetjet paraprake të komisionit, pra është pjesë e një procesi administrativ që nuk është finalizuar ende me një akt. Nuk ishte mbledhje formale e KLP. Kur të kemi gati projekt-aktet për çdo kandidat dhe regjistrimet e asaj mbledhje do i bëjmë publike”, u shpreh Ibrahimi.

KLP deri tani ka marrë në pyetje 4 kandidatët e parë për SPAK-un, Altin Dumani, Anita Jella, Anton Martini, Arben Kraja.

Deri tani janë dhjetë kandidatë që e kanë kaluar vetingun. I vetmi që e ka kaluar atë me vendim të formës së prerë është Arben Kraja.

Të fundit