Intervista e Mira Kazhanit për ‘TiranaPost’ me kandidatin e PS në Gjirokastër, Bledi Çuçi, është ndërprerë nga telefonata e Endri Fugës, këshilltari i kryeministrit Edi Rama.
Çuçi i është përgjigjur menjëherë telefonatës duke ndërprerë intervistën, veprim që tregon për pushtetin e madh që Fuga ka mbi kandidatët e PS. Vetë ish-ministri i tha gazetares Kazhani se Fuga do i dërgonte për fushatë Filip Çakullin, drejtuesin e emisionit investigativ “Fiks Fare”. Sipas Çuçit, Çakulli do e ndihmojë për fushatën për zgjedhjet e 25 qershorit.
Pjesë nga intervista:
(I bie telefoni)
Bledi Çuçi: Do të më falësh se është Endri.
Mira Kazhani: Duhet të përgjigjesh, ok.
(Flet me Endrin)
Mira Kazhani: Ishte Fuga?
Bledi Çuçi: Po.
Mira Kazhani: Porosi?
Bledi Çuçi: Jo shkëmbime njerëzish që mund të ndihmojnë. Për shembull më tha që Filip Çakullin e ke të gatshëm për të ardhur në fushatë dhe të të ndihmojë një ditë.
Mira Kazhani: Ashtu? E ka vendosur? E bën për PS-në apo për ju direkt?
Bledi Çuçi: Nuk e di, do ta pyes.
Mira Kazhani: Ç’rëndësi ka, do i vjelësh frytet.
Financuar Nga Bashkimi Europian
