Flash News

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

Banorët përplasen me policinë në Theth: Jemi në tokën tonë

Rihapet çështja e vrasjes së mësueses italiane, e dyshuar një 47-vjeçare shqiptare

KRYESORE

“Këmba e mbarë” e Valdrin Pjetrit

Politiko 1 Nëntor 2019, 13:40

Nga sot (e premte), ‘ngrin’ edhe Bashkia e Vorës.

Komisioni Qendror i Zgjedhjeve vendosi në mënyrë unanime, me pesë vota pro, shkarkimin e kreut të bashkisë, Agim Kajmaku.

Ndonëse Kajmaku ka afat 45 ditë për ankimimin e vendimin në Gjykatën Administrative, bashkia e Vorës ka thuajse të njëjtin fat me atë të Shkodrës, që pas zgjedhjeve të 30 qershorit, ku opozita e bashkuar nuk mori pjesë e si rrjedhojë në fletët e votimit nga 61 bashki në total, në të shumtën e rasteve pati vetëm një kandidat (nga PS) për t’u votuar.

Ishte Partia Demokratike, ajo e cila denoncoi kryebashkiakun se ka qenë më parë i arrestuar në Greqi për falsifikim parash, por me identitet tjetër, Jorgo Toto. Po ashtu sipas PD, ky fakt nuk është deklaruar në formularin e dekriminalizimit.

Pak ditë më parë, Prokuroria ka konfirmuar se pas verifikimit të shenjave të gishtave personi Jorgo Toto dhe Kajmaku është i njëjti person.

“Zyra Qendrore e Kombëtare e INTERPOL Tiranës, me shkresën Nr. 10709/6, datë 24/09/2019; ka sqaruar se nga informacioni i marrë nga zyra homologe INTERPOL Athinë rezulton se nga krahasimi i gjurmëve të gishtërinjve të shtetasit Agim Kajmaku, me gjurmët e gishtërinjve që ndodhen në databazen e të dhënave kriminale në Greqi ka përputhshmëri të plotë me ato të shtetasit Jorgo Toto”, deklaronte në reagimin e tij pas mbërritjes së përgjigjes së Prokurorisë, Sekretari i Përgjithshëm i PD-së, Gazmend Bardhi.

Fillimisht Kajmaku i mohoi akuzat e ngritura ndaj tij.

“Siguroj me bindje, në radhë të parë qytetarët e Vorës se i qëndroj pikë për pikë asaj që kam deklaruar edhe më herët lidhur për këtë sulm. Unë nuk jam marrë kurrë me trafiqe dhe krime”, shkruante në një postim në FB Kajmaku.

Por, pas reagimit të organit të akuzës, ai u justifikua se nuk ka qenë në dijeni të këtij dënimi, megjithatë sot iu hoq mandati nga mbledhja e KQZ.

Rasti 'Valdrin Pjetri'

Pas 30 qershorit, Kajamku është rasti i dytë që një kryebashkiaku socialist t’i vërtetohen akuzat se ka fshehur të kaluarën, pas atij të Shkodrës, Valdrin Pjetri.

Kujtojmë se Pjetri u tërhoq disa muaj më parë ende pa e marrë zyrtarisht detyrën e kryebashkiakut të Shkodrës , madje ende pa dalë konkluzioni i Prokurorisë, pas publikimit nga PD të dokumenteve ku rezultonte se kishte qenë vite më parë i dënuar në Itali për shpërndarje narkotikësh.

Këtë fakt, Pjetri nuk e kishte paraqitur në formularin e vetëdeklarimit, çka solli vendimin e largimit. Madje, lidhur me ngjarjen e vitit 2003, njësoj si Kajmaku, edhe Pjetri pretendonte se nuk kishte dijeni.

Ndërkohë, nën akuzë është dhe kryebashkiaku i Vaut të Dejës, Mark Babani.

Sipas PD, Babani, me emrin ka qenë i dënuar në Itali për vjedhje makinash dhe ka qëndruar në burg deri më datën 6 Maj 1994, ku më pas është dëbuar nga shteti Italian.

Të fundit