Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

Kosova

Kurti: Vuçiç me Rusinë po përgatit kërcënime e ultimatume të reja ndaj Kosovës

Politiko 13 Shtator 2024, 18:22

Kurti: Vuçiç me Rusinë po përgatit kërcënime e

Kryeministri i Kosovës, Albin Kurti deklaron se Serbia në bashkëpunim me Rusinë, po përgatit kërcënime dhe ultimatum të ri ndaj Kosovës.

Përmes një postimi në Facebook, Kurti ka listuar veprimet që duhej të ndërmerrte Serbia për të vrarët në luftën e fundit në Kosovë, të dhunuarit, të dëbuarit në vend që të jepte ultimatum e që të vazhdonte me kërcënime 25 vjet pas gjenocidit. 

“Serbia flenë mbi varreza masive nga gjenocidi i kryer në Kosovë. 950 civilë të paarmatosur u masakruan, ua rrëmbyen kufomat dhe i futën në varreza masive në Serbi, përfshirë këtu kamionë frigoriferë që dolën nga fundi i liqeneve atje. Dëshmitë e gjenocidit janë të freskëta gjithandej në Kosovë e Serbi, por kjo nuk po e pengon Presidentin e Serbisë për të kërcënuar sërish”, ka shkruar Kurti. 

“Në vend që Serbia të pendohet për krimet, të kërkojë falje për to dhe të mos i mohojë ato;  t’i hapë arkivat e luftës të policisë dhe ushtrisë jugosllave, sidomos të brigadës së motorizuar 37; të paguajë dëmshpërblimet;  të bashkëpunojë për të vendosur drejtësi për viktimat e gjenocidit;  të angazhohet për pajtim e paqe duke reflektuar mbi përgjegjësinë që ka, ajo ka zgjedhur anën e kundërt, duke përsëritur kërcënimet dhe ultimatumet, ndaj Kosovës dhe qytetarëve të saj, në bashkëpunim dhe koordinim të afërt me Rusinë”.


“Krimet makabre që Serbia para 25 vjetëve i kreu në Kosovë, sot po përsëriten nga Rusia në Ukrainë dhe po synohen që të kthehen prapë në rajonin e Ballkanit”, thotë Kurti.

A thotë se qasja e pushtetit në Serbi ndaj Kosovës është tejet dëshpëruese.

“Fillimisht u normalizua pandëshkueshmëria dhe fushatat propaganduese. E tash po synohen të normalizohen sulmet paramilitare dhe terroriste (Banjska, 24 shtator 2023), kërcënimet dhe ultimatumet, të cilat arsyetohen me lajme të rrejshme dhe fushata dezinformuese, para syve të botës demokratike”.

Kurti thotë se “sot, Kosova është më e fortë se kurrë më parë, nuk trembet nga kërcënimet. Ne mbrojmë të gjithë qytetarët tanë dhe liritë e të drejtat e tyre, integritetin territorial dhe sovranitetin shtetëror të vendit tonë, progresin demokratik e socio-ekonomik të popullit dhe institucioneve tona. Mirëpo, kjo që po ndodhë aktualisht, tregon se sa larg është Serbia nga vlerat demokratike dhe njerëzore dhe sa e mishëruar mbetet me gjenocidin e kryer në vitet e ‘90-ta”.

 

Të fundit