
Flash News
Arrestohen dy persona në Vlorë, kapen me lëndë narkotike të ndarë në doza gati për shitje
Gjyqi për vrasjen e Martinit, Babai i Luis Meçes përplaset me prokuroren: Po flini gjumë me dosjen
Aksidenti në Astir/ Makina merr zvarrë një person te vijat e bardha
Celibashi: Platforma e KQZ ra pre e disa sulmeve kibernetike të organizuara gjatë zgjedhjeve
Përndjekje dhe profile false në rrjetet sociale, disa të arrestuar e të proceduar në Tiranë
Osmani: Çdo marrëveshje paqeje nuk duhet të inkurajojë ambiciet imperialiste të Rusisë
Presidentja e Kosovës, Vjosa Osmani, e cila po qëndron për vizitë zyrtare në Finlandë, theksoi rëndësinë që çdo marrëveshje e ardhshme paqeje mes Ukrainës dhe Rusisë të mos e inkurajojë Moskën që të “ndjekë më tej ambiciet e saj imperialiste dhe territoriale ndaj vendeve të tjera”.
“Dhe, nuk po flas vetëm për këtë pjesë të Evropës — po flas edhe për Ballkanin Perëndimor, sepse ka pasur gjithmonë një qëllim tradicional dhe historik të Rusisë për të krijuar një efekt zinxhir”, tha Osmani të mërkurën, gjatë një konference të përbashkët për media me presidentin e Finlandës, Alexander Stubb, në Helsinki.
Osmani deklaroi se nëse i bëhen lëshime Rusisë, vetëm sepse është më e madhe dhe ka më shumë armë, “kjo është e rrezikshme për pjesën tjetër të botës dhe jo vetëm për kontinentin evropian”.
Ajo tha se beson se është shumë e rëndësishme që presidenti amerikan, Donald Trump, po i kushton vëmendje vuajtjes njerëzore.
“Kur kemi një qasje të përqendruar te njeriu, atëherë paqja është e mundur”, u shpreh Osmani.
Presidentja e Kosovës argumentoi se objektivi i Kremlinit shkon përtej pushtimit territorial, duke synuar të minojë unitetin evropian dhe të diskreditojë sistemet me vlera të Bashkimit Evropian dhe Organizatës së Traktatit të Atlantikut Verior (NATO).
“Sepse, përtej territoreve, ajo që dëshiron [presidenti rus, Vladimir] Putin është një Evropë e paqëndrueshme. Ajo që dëshiron Putin është të japë mesazhin se sistemet me vlera që përfaqësojnë Bashkimi Evropian dhe NATO janë një dështim. Nuk duhet t’i japim këtë argument, sepse Kosova është një dëshmi e suksesit të Bashkimit Evropian, NATO-s dhe partneritetit transatlantik”.
Ajo tha se është e rëndësishme që marrëdhënia transatlantike ndërmjet Evropës dhe Shteteve të Bashkuara të mbetet e fortë, “sepse historia na ka treguar se vetëm kur kjo marrëdhënie është e fortë, shohim suksese që kontribuojnë në një Evropë të bashkuar, të lirë dhe në paqe”.
Osmani ndodhet në një vizitë dyditore në Finlandë. Gjatë takimit me presidentin finlandez, Stubb, ata diskutuan për marrëdhëniet dypalëshe mes Finlandës dhe Kosovës, për luftën në Ukrainë, situatën në Ballkanin Perëndimor dhe sigurinë evropiane.
Presidenti i Finlandës tha gjatë konferencës për media se pasojë e papritur e luftës agresore të Rusisë në Ukrainë është se Evropa është më e bashkuar se kurrë, dhe se integrimi evropian është rikthyer në agjendë.
“Po jemi dëshmitarë të lindjes së një Perde të Re të Hekurt mes Evropës dhe Rusisë, dhe vendi i Kosovës është shumë i qartë. Është në zemër të Evropës, dhe, natyrisht, shpresojmë që Kosova do të bëjë çdo përpjekje për ta shfrytëzuar këtë mundësi drejt një integrimi më të thelluar në zemrën e Evropës dhe anëtarësimit të ardhshëm në Bashkimin Evropian”, tha ai.
Të dy presidentët nuk pranuan të komentojnë mbi pyetjen e një gazetareje se çfarë do të ndodhte nëse Ukraina refuzon një marrëveshje, sipas së cilës do të humbte disa territore, dhe nëse SHBA-ja tërhiqet nga ky proces. Ata thanë se nuk do të komentojnë derisa të bëhet zyrtare se çfarë ndodh me procesin.
“Është një punë e vështirë”, tha Stubb, duke shprehur bindjen se përpjekja diplomatike do të vazhdojë.
Presidenti finlandez, Stubb, shtoi se Finlanda mbështet rrugën e Kosovës drejt BE-së, anëtarësimin e saj në Këshillin e Evropës, dhe se stabiliteti në rajon është i rëndësishëm për sigurinë evropiane.
“Për ta përmbyllur, dialogu Beograd-Prishtinë është një hap thelbësor për ndërtimin e një stabiliteti afatgjatë në rajon. Ruajtja e paqes në Ballkanin Perëndimor është e rëndësishme jo vetëm për popujt e rajonit, por për Evropën në tërësi”.
Osmani tha se Kosova ka zgjedhur dialogun si mjetin e vetëm për të zgjidhur çështjet e pazgjidhura, por shtoi se “paqja e qëndrueshme mund të ndërtohet vetëm përmes respektimit të plotë të marrëveshjeve ndërkombëtare dhe sundimit të ligjit, dhe në fund, duke mos mohuar apo ngacmuar fqinjin”.
“Fatkeqësisht, ne e kemi mësuar në mënyrën më të vështirë se çfarë do të thotë të kesh një fqinj që nuk i beson këtyre parimeve. Megjithatë, ne sërish kemi shtrirë dorën e bashkëpunimit, për të gjithë fqinjët tanë, sepse duhet të sigurohemi që fëmijët tanë, brezi i parë që ka njohur vetëm paqen dhe jo luftën, të mos përjetojnë kurrë atë që kemi përjetuar ne”.
Osmani tha, gjithashtu, se ajo ka propozuar që Kosova dhe Finlanda të punojnë së bashku për një marrëveshje më gjithëpërfshirëse në fushën e sigurisë dhe mbrojtjes ndërmjet dy vendeve.
Në kuadër të kësaj vizite, presidentja e Kosovës ndau Medaljen Presidenciale Ushtarake për Forcat e Armatosura të Finlandës, për kontributin e tyre për paqe e siguri në Kosovë, në kuadër të misionit paqeruajtës të NATO-s në Kosovë, KFOR./rel
Të fundit










Rikthehet Kuvendi, deputetët të enjten në seancë plenare
22 Maj 2025, 14:34


Aksidenti në Astir/ Makina merr zvarrë një person te vijat e bardha
22 Maj 2025, 14:00



Raporti i OBSH: Popullsia po plaket, nevojiten politika sociale
22 Maj 2025, 13:23


Pacientja ndërron jetë gjatë operacionit, procedohet mjeku në Durrës
22 Maj 2025, 12:54

Dosja “Black Eagle”në Bruksel nxjerr në skenë pastrimin e parave në Shqipëri
22 Maj 2025, 12:39





Dosja “5D”, debat mes avokatëve të të pandehurve
22 Maj 2025, 11:37

Hoxha: Troplinët kanë marrë projekte nga kryeministri, emëronin drejtues
22 Maj 2025, 11:16
Këlliçi: Zgjedhjet, një farsë e organizuar nga shteti dhe krimi i organizuar
22 Maj 2025, 11:07
“Toyota Yaris”, GJKKO dënon me 4 vite burg avokatin Radovan Çela
22 Maj 2025, 10:56
Ndërron jetë në moshën 58-vjeçare, Artan Lame
22 Maj 2025, 10:45


Megaoperacioni antid*ogë, kontrolle në Portin e Vlorës
22 Maj 2025, 10:13



Kryediplomatja evropiane Kallas viziton Serbinë dhe Kosovën
22 Maj 2025, 09:36
Investimet kapitale në nivelin më të ulët që nga 2010-a
22 Maj 2025, 09:27
Vriten dy anëtarë të stafit të Ambasadës izraelite në Uashington
22 Maj 2025, 09:12
Pyjet tropikale pësuan shkatërrim rekord në vitin 2024
22 Maj 2025, 09:04
Këmbimi valutor, 22 maj 2025
22 Maj 2025, 09:00

Aksident në autostradën Durrës-Tiranë, mjeti përmbyset në rrugë
22 Maj 2025, 08:31
Nga Finiqi në Has, si e ndan makina zhvillimin ekonomik mes 61 bashkive
22 Maj 2025, 08:19
Horoskopi, çfarë kanë rezervuar yjet për ju sot
22 Maj 2025, 08:08
Rrebeshe shiu, si pritet të jenë temperaturat gjatë ditës
22 Maj 2025, 07:54
Posta e mëngjesit/ Me 2 rreshta: Çfarë pati rëndësi dje në Shqipëri
22 Maj 2025, 07:41


Gjermania zgjat qëndrimin e trupave të saj në Kosovë
21 Maj 2025, 22:19
Gazetari: Xhevdet Troplini në krah të një politikani
21 Maj 2025, 22:00
Amnesty International: Kampet në Shqipëri, pasqyrë e një sistemi çnjerëzor
21 Maj 2025, 21:49
Ky është bashkëpunëtori i parë i drejtësisë shqiptare
21 Maj 2025, 21:39
Bitcoin thyen rekord historik: Arrin në 109,302 dollarë
21 Maj 2025, 21:36
U dhunua nga kolegia në zyrën e gjendjes civile, viktima pushohet nga puna
21 Maj 2025, 21:08
Hyn në fuqi vendimi i BSH/ Kredia për blerje banese kufizohet nga 1 korriku
21 Maj 2025, 21:04
“Nga dhuna e burrit humba fëmijën”, nëna e dy të miturve kërkon drejtësi
21 Maj 2025, 20:50
Qeveria zgjat qëndrimin e ukrainasve në Shqipëri
21 Maj 2025, 20:45
Rrjetet sociale: Mik apo armik i marrëdhënieve tona personale?
21 Maj 2025, 20:22







Ndahet nga jeta parakohe sopranoja e njohur e TKOB
21 Maj 2025, 18:27



Rezultati i Izraelit në Eurovision ngre pikëpyetje mbi votimin
21 Maj 2025, 17:23
Firence, arrestohen dy shqiptarë me 23 kg kokainë
21 Maj 2025, 17:03
Pezullohet lundrimi nga moti i keq në Vlorë
21 Maj 2025, 16:58
Asgjësimi i votës si triumf i banalitetit
21 Maj 2025, 16:41


Operacioni “Ura”/ Ekil Nderjakut i komunikohet masa “arrest me burg”
21 Maj 2025, 16:08

Kush ka më shumë nevojë për ushtrime fizike: Gratë apo burrat?
21 Maj 2025, 15:43
Ish-politikani ukrainas, qëllohet për vdekje pranë një shkolle në Madrid
21 Maj 2025, 15:32
Operacioni “Ura”/ Ekil Nderjakut i komunikohet masë tjetër sigurie në qeli
21 Maj 2025, 15:22
Çokollata do arrijë çmime të larta! Prodhimi i kakaos në krizë të rëndë
21 Maj 2025, 15:11


Vijon ngërçi/ As përpjekja e 19-të nuk zhbllokon Kuvendin e Kosovës
21 Maj 2025, 14:42


Papa Leoni i lutet Izraelit t’i lejojë ndihmat humanitare në Gazë
21 Maj 2025, 14:18





A ka BE-ja ende mjete efektive për t'i shkaktuar dhimbje Rusisë?
21 Maj 2025, 13:26

