Kosova

Zyrtare/ Kurti dhe Osmani shkojnë në zgjedhje me listë të përbashkët

Zyrtare/ Kurti dhe Osmani shkojnë në zgjedhje me listë të

Kreu i LVV-së, Albin Kurti dhe Presidentja në detyrë e Kosovës, Vjosa Osmani kanë nënshkruar sot marrëveshjen e bashkëpunimit.

Në një konferencë të përbashkët, Kurti dhe Osmani kanë bërë të ditur se do të garojnë në një listë të përbashkët në zgjedhje.

“Sot kur na ndajnë një muaj nga zgjedhjet e reja jemi të gëzuar dhe kemi kënaqësinë t'ju njoftojmë se do të garojmë bashkë në një zyrë. Presidentja në detyrë dhe unë ish-kryeministri do të na gjeni në të njëjtin vend dhe me të njëjtin qëllim", tha Kurti.

Gjithashtu, kreu i LLV-së shtoi se Vjosa Osmani do të jetë Presidente e Kosovës nëse ata do të fitojnë zgjedhjet e shkurtit.

 “Kemi presidenten në detyrë që duhet të rilegjitimohet. 14 shkruti duhet të jetë një referendim. Qytetarët na njohin e dinë kush jemi dhe për këtë duhet të bashkëpunojmë. Lista do të dorëzohet të shtunën siç e kërkojnë afatet e procedurës përkatesë”, u shpreh ai.

Afati për aplikim të subjekteve politike për tu certifikuar për pjesëmarrje në zgjedhjet e 14 shkurtit është deri të shtunën më 16 janar, në ora 18:00. Lëvizja Vetëvendosje deri tani nuk ka bërë koalicion parazgjedhor me asnjë nga subjektet politike.

Ditari politik

Të fundit