Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

"Kur s'është imune SHBA, s'mund të jemi as ne", si do ta justifikojë qeveria zyrën e dezinformimit pas vendimit të Rubin

Politiko 16 Prill 2025, 19:29

"Kur s'është imune SHBA, s'mund të jemi as

Administrata Trump ka vendosur sot që të mbyllë Qendrën e Angazhimit Global (GEC), një zyrë e strehuar në Departamentin e Shtetit që konservatorët thonë se financoi një "skemë censurimi" antikushtetuese. 

Në kushtet e klimës globale të censurës dhe dezinformimit, një vit më parë edhe qeveria shqiptare nxitoi të ngrejë komisionin e Posaçëm Parlamentar me fokus koordinimin dhe mbikëqyrjen e përpjekjeve institucionale për të luftuar dezinformimin dhe format e tjera të ndërhyrjes së huaj në proceset demokratike në Shqipëri.

Një komision që u votua vetëm me votat e mazhorancës, pasi opozita e ka kundërshtuar që në krye të herës. 

Kryeministri Edi Rama dhe mbështetës të tij e cilësuan komisionin si “shumë të rëndësishme për të ecur përpara me shpejtësi të plotë”.

Nga ana tjetër, Bledi Çuçi, anëtar i komisionit e konsideronte një mekanizëm për qëllimet e brendshme politike, duke iu referuar zyrës së ngjashme në SHBA. 

"Ky nuk është një mekanizëm për qëllimet tona të brendshme politike, prandaj këtu duhet të jemi bashkë. Ngritja e këtij komisioni është e domosdoshme. Do të bëjë një analizë të plotë të situatës. Mendoj se nëse ky Parlament do të ketë një komision ku ne duhet të jemi në sinkron, është ky komision ku duhet të japim një analizë të detajuar se në cilin nivel ka shkuar ndërhyrja e këtyre vendeve. S’mund të jemi ne imunë kur nuk është SHBA apo vendet e BE. Është në nderin tonë ta adresojmë sa më parë. Jam i bindur se ju do i bashkoheni këtij komisioni”, deklarone Çuçi në mbledhje e Konferencës së Kryetarëve. 

Po ashtu, edhe kryetarja e Kuvendit, Lindita Nikolla i dërgoi një letër zyrtarit të lartë të DASH, James Rubin pas ngritjes së Komisionit për Dezinformimin, ku i kërkonte inkurajim. 

"Kur s'është imune SHBA, s'mund të jemi as

Pas vendimit të fundit të Sekretarit amerikan të shtetit, tashmë mazhorancës i duhet të luajë me një tjetër alibi për të justifikuar komisionin e dezinformimit, pasi "kur s'është imune SHBA, s'mund të jemi as ne", bie nga nga sot. 

Të fundit