Protesta e opozitës në Kuvend, ja 6 Komisionet Hetimore të kërkuara nga opozita gjatë 2023-shit

Seanca e sotme parlamentare mbylli punimet ende pa nisur për shkak të tensioneve të krijuara.

Opozita, ashtu siç kishte njoftuar, nisi nga parlamenti qëndresën ndaj qeverisë, pas përjashtimeve dhe rrëzimit të komisioneve parlamentare nga mazhoranca.

Bëhet fjalë për gjashtë komisione hetimore që grupi parlamentar demokrat ka kërkuar përgjatë 2023-shit, të cilat janë rrëzuar nga Kuvendi.

Bëhet fjalë për:

- Komisionin Hetimor Parlamentar për skandalin Rama – McGonical firmosur nga 44 deputetë;

- Komisionin Hetimor Parlamentar për  abuzimin me përdorimin e charterave privatë gjatë periudhës (firmosur nga  35 deputetë);

- Komisionin Hetimor Parlamentar për  Marrëveshjen e Portit të Durrësit (firmosur nga 35 deputetë)

- Komisionin Hetimor Parlamentar për 4 koncesionet (PPPs) në shëndetësi (firmosur nga 45 deputetë)

- Komisionin Hetimor Parlamentar për keqpërdorimin e të dhënave personale dhe TIMs (firmosur nga 45 deputetë)

- Komisionin Hetimor Parlamentar për konfliktin e interesit (firmosur nga 45 deputetë)