“Vatikani i Ramës”, avokat Llangozi për Politiko: “Republika Bektashiane” është dështim si “Ballkani i Hapur”

“Vatikani i Tiranës”, ka qenë tema më e diskutuar në këto ditë në mediat tona, pasi kryeministri Edi Rama gjatë një interviste për New York Times, prezantoi idenë e një shteti bektashi brenda territorit shqiptar.

Historianë, politikanë apo klerikë thanë njëherazi se kjo ide, rrezikon harmoninë fetare në vendin tonë dhe sjell një precedent të rrezikshëm për rajonin.

Më të ashpër ishin përfaqësuesit e feve, të cilët nuk ngurruan ta quanin Ramën si ‘tradhtarë të kombit’.

Avokati Arben Llangozi, i pyetur nga Politiko.al se nëse mund të realizohet, një shtet i tillë duke iu referuar ligjeve është shprehur se referuar historisë së kombit tonë është hartuar dhe Kushtetuta e Republikës së Shqipërisë e cila në pjesën hyrëse të saj ka të parashikuar se qëllimi i krijimit të kushtetutës ka në thelb aspiratën shekullore   të   popullit   shqiptar   për   identitetin   dhe   bashkimin  kombëtar.

Avokati vijon më tej teksa është shprehur se nëse vijohet më tej me këtë skenë Edi Rama do të mbahet mend në histori si “Esat Pash Toptani i dytë”.

“Të mos harrojmë se dhe qëllimi i Bashkimit Europian është bashkimi i kombeve dhe ndarja e tyre. Të mos harrojmë qëndrimin ndërkombëtar në lidhje me fantazinë e Edi Ramës me “Ballkanin e Hapur”.  Pra Edi Rama po vepron jo në bazë të ligjeve dhe interesave të kombit apo edhe interesave të bashkimit Europian, por në bazë të interesave të personale të tij”, ka thënë ndër të tjerash avokat Llangozi.

 

PJESË NGA INTERVISTA

Në Shqipëri do të jetë një shtet sovran Bektashi i cili do të funksionojë ngjashëm me Vatikanin. Në konceptet juridike, a mund të realizohet kjo çështje? Çfarë nenesh shkelen?

Av. Arben Llangozi: Shqipëria nuk mund të ketë një shtet të ri brenda shtetit ashtu siç pretendon Edi Rama. Referuar historisë së kombit tonë është hartuar e dhe Kushtetuta e Republikës së Shqipërisë e cila në pjesën hyrëse të saj ka të parashikuar se qëllimi i krijimit të kushtetutës ka në thelb aspiratën shekullore   të   popullit   shqiptar   për   identitetin   dhe   bashkimin  kombëtar. Pra qëllimi kushtetutës është që Shqipëria të jetë shtet unitar  dhe  shtet federal ose rajone të pavarura.

Po në nenin 1 të Kushtetutës së Republikës së Shqipërisë, në parimet themelore të saj në nenin 1 pika 2 e citon qartë se Republika e Shqipërisë është shtet unitar dhe i pandashëm.

Pra kushtetuta flet qartë se nuk lejohet ndarja e Shqipërisë dhe këto deklarata të kryeministrit tonë janë antikushtetuese. Edhe në nenin 2 pika 1 të Kushtetutës së Republikës së Shqipërisë është e përcaktuar qartë se Sovraniteti në Republikën e Shqipërisë i përket popullit dhe jo Edi Ramës.

 Nuk ka ndonjë shifër të saktë të numrit të besimtarëve bektashinj në botë, ndërkohë që në Shqipëri, sipas të dhënave të censusit të fundit, të realizuar vitin e kaluar, janë deklaruar si të tillë, pak më shumë se 115 mijë persona, ose më pak se 5 përqind e popullsisë rezidente. A do ja vlente?

Av. Arben Llangozi:  Në Shqipëri me të vërtetë janë mbi 115000 shqiptar me bindje fetare Bektashi, por të mos harrojmë se në Shqipëri ka edhe minoritete, përshëmbull minoriteti Grek i cili mund të pretendojnë një gjë të tillë. 

Apo edhe komuniteti mysliman që zë pjesën më të madhe të popullsisë së vendit mund të jetë një pretendent tjetër që mund të kërkojnë republikë brenda republikës.    

 Në perceptimin tuaj, është i domosdoshëm një shtet i tillë? Dhe pse lindi “nevoja”, çfarë mund të fsheh pas ky shtet?

Av. Arben Llangozi:  Në mendimin tim nëse do të vijohet më tej me këtë skemë tradhtie kombëtare, Edi Rama do të ketë një fund të hidhur dhe do të mbahet mënd në histori si “Esat Pash Toptani i dytë”. Ai po përdhos historinë dhe kombin tonë duke copëtuar Shqipërinë.

Të mos harrojmë se dhe qëllimi i Bashkimit Europian është bashkimi i kombeve dhe ndarja e tyre. Të mos harrojmë qëndrimin ndërkombëtar në lidhje me fantazinë e Edi Ramës me “Ballkanin e Hapur”. 

Pra Edi Rama po vepron jo në bazë të ligjeve dhe interesave të kombit apo edhe interesave të bashkimit Europian, por në bazë të intresave të personale të tij.

Unë vlerësoj se prapaskena e kësaj loje me kombin tonë ka dy versione.

E para është njohja që ai ka me agjenturat Serbe. Lidhjet e tij me kryeministrin e Serbisë e bëjnë Edi Ramën një person të dyshuar se po zbaton planet Serbe. Të mos harrojmë se Serbia është i vetmi vend dhe ka plan që Shqipëria të jetë një komb i cili copëtuar dhe i varfër.

Të mos harrojmë se Serbia ka pasur të pushtuar gjysmën e kombit tonë Kosovën dhe në luftën për liri kanë humbur jetën rreth 10.000 viktima të pafajshme gra dhe fëmijë.  Duhet të kemi parasysh edhe marrëdhënien jo të mirë  të Edi Ramës më Albin Kurtin.

Në deklaratat publike të Ramës I është kërkuar Albin Kurtit se duhet të harrohet gjaku 10.000 viktimat e luftës së Kosovës, po nga Rama është kërkuar nga Albin Kurti që Kosova ti japë veriun e saj Serbisë me ndikimin e Eskobarit. 

Versioni i dytë që unë mendoj se mund të ketë ndodhur. Nëse i referohemi qeverisë Rama ndër vite do të vihet re se kjo qeveri e komanduar nga Rama, ka pasur si qëllim dhe mision të saj vetëm vjedhjen e fondeve publike, korrupsionin dhe kanalizimin e vendit.

Dyshim i madh është se agjenturat serbe mund të ketë korruptuar Kryeministrin e Shqipërisë për të punuar kundër interesave të kombit të vet.

Përgatiti: Neta Fero