Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Kryetari i Ballit revoltohet me Brahon: Budalla, keni ngrënë koka njerëzish, vratë 6 mijë shqiptarë

Politiko 23 Maj 2019, 12:08

Kryetari i Ballit revoltohet me Brahon: Budalla, keni ngrënë koka

Deputeti, njëherësh kreu i Ballit Kombëtar, Adriatik Alimadhi i është drejtuar me tone të ashpra Spartak Brahos, ndërsa është shoqëruar me debate raporti vjetor i Institutit të Krimeve të Komunizmit.

Ndërsa i cilësoi si hileqarë përfaqësuesit e Ballit, Alimadhi iu përgjigj Brahos, duke e cilësuar atë si një person që nuk e njeh mirë historinë.

“Si ka mundësi që të biem kaq poshtë në nivelin e këtij budallai këtu që s’di asgjë për historinë.

Këta thonë që ballistët hanin pula, po ju keni ngrënë koka njerëzish, s’keni lexuar asgjë, keni vrarë deri në 6 mijë shqiptarë, ju qëllimisht nuk lejoni historinë, a keni mundësi dhe studime për ta shtrirë aktivitetin e studimeve për këtë institut pra nga viti 1941-1944.

Nuk pranoj asgjë çfarë është bërë nga historia e deritanishme, por nëse del një deputet a historian që thotë me dokumente që Balli Kombëtar ka bashkëpunuar për të vrarë komunistë, partizan jap dorëheqjen dhe vë në dispozicion procedura tjera ligjore”, u shpreh me tone të ashpra Alimadhi.

Më herët, Braho akuzoi Tufën se ka shkelur ligjin me veprimtarinë e këtij instituti sepse nuk ka të drejtë të trajtojë çështje që i përkasin periudhës së Luftës Nacional-Çlirimtare. Ai e konsideroi Tufën një neofashist dhe kritikoi sërish veprimtarinë e Ballit Kombëtar gjatë Luftës së Dytë Botërore.

“Unë gjykoj se në veprimtarinë e tij, instituti ka shkelur rëndë ligjin me të cilin organizohet dhe do të perifrazojë edhe kryeministrin që tha “larg duart nga vitet 41-45”. Neofashistët e tipit Tufa e Çela kërkojnë nëpërmjet shtrembërimeve historike të glorifikojnë bashkëpunëtorët e nazizmit dhe fashizmit. Zoti Tufa po ju them që e keni kthyer institutin në celulë të Ballit Kombëtar, po luani me zjarrin duke shkelur ligjin dhe duke shpërdoruar luftën e LANÇ të cilën nuk e bëtë ju dhe soji i juaj, as Popoviçi dhe Mugosha siç shpreheni ju. Luftën e bënë bijtë e këtij vendi dhe partizanët. Zoti Tufa keni shkelur ligjin jo vetëm sepse keni kaluar me tendencë periudhën për të cilën jeni ngarkuar, por ju hileqarë keni qenë që në luftë dhe hileqarë jeni edhe tani në demokraci. Ju pyes përse gërrmoni në arkiva për të kërkuar informacion të padeklasifikuar, kush ua lejon?”,- u shpreh Braho.

Spartak Braho kërkoi që Agron Tufa të largohet nga detyra e drejtorit në këtë institut pasi e konsideroi “të papërshtatshëm”, si dhe i kërkoi Kuvendit të monitorojë veprimtarinë e institutit.

Agron Tufa paraqiti sot në seancën plenare raportin vjetor të Institutit për Studimin e Krimeve dhe Pasojave të Komunizmit, ndërsa mazhoranca do të miratojë një rezolutë për vlerësimin dhe rekomandimet për ISK-në për vitin 2019-të.