Shënohet një tjetër vrasje me armë zjarri, por kësaj herë në Lushnje.
Një person është gjendur i pajetë brenda lokalit të tij në lagjen “Kadri Gjystri”. Sipas të dhënave të para nga policia, viktima është Enver Boriçi 52 vjeç.
Viktima u gjet i pajetë nga klientët e lokalit i qëlluar me plumb në kokë, ndërsa pranë tij nuk është gjetur armë zjarri.
“Sot rreth orës 07:45, në lagjen “Kadri Gjystri” Lushnje, në lokalin e tij është gjetur i vrarë me armë zjarri shtetasi E.B, 52 vjeç.
Në vendngjarje ka shkuar grupi hetimor i cili po punon për sqarimin e rrethanave të kësaj ngjarje”, sqaron paraprakisht policia.
Financuar Nga Bashkimi Europian
