Në foton familjare në përfundim të Samitit të Kartës së Adriatikut, ra në sy mungesa e kryeministrit të Shqipërisë, Edi Rama. Të gjithë kryeministrat dhe presidentët e Ballkanit Perëndimor, si dhe zv/presidenti amerikan, Mike Pence, ishin të pranishëm në foton e samitit, por jo kryeministri ynë.
Deri më tani, Rama nuk ka bërë asnjë deklaratë lidhur me këtë mungesë, por ai që ka reaguar është ish-kryeministri Sali Berisha.
Berisha shprehet se Rama është përjashtuar nga foto për shkak të atleteve, që në fakt i ka mbajtur veshur njësoj si në Samitin e Triestes.
“Skandal! Rama përjashtohet për shkak të atleteve nga foto familjare e Samitit të Podgoricës”, shkruan ish-kreu i PD-së.
Shqipëria është themeluese e Kartës së Adriatikut së bashku me Maqedoninë dhe Kroacinë, ndërkohë mbetet enigmë pse Rama nuk u shfaq në foto.
Discussion about this post