Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ndahet nga jeta në moshë të re kameramani shqiptar, la pas pesë fëmijë

Politiko 27 Qershor 2020, 12:03
Ndahet nga jeta në moshë të re kameramani shqiptar, la pas

Është ndarë nga jeta në moshë të re Alket Metko, një ndër operatorët më aktivë dhe me kontribute disa vjeçare në disa media audiovizive të vendit.

Së fundmi, Metko punonte pranë televionin Klan Plus.

Shkak për ndarjen nga jeta parakohe është bërë një sëmundje e rëndë nga e cila vuante Metko.

Miqtë dhe koleget e tij kanë shprehur ngushëllimet dhe dedikime prekëse në rrjetet sociale për ndarjen e parakohshme të tij nga jeta.

Mesazh ngushëllimi ka përcjellë edhe Unioni i Gazetarëve shqiptare:

Lamtumirë miku dhe kolegu ynë Alket Metko!

Me dhimbje dhe ndjenjën e miqësisë si bashkëpunëtor i respektuar dhe mik i të shumtëve, ndahemi sot nga Alket Metko. Njeri ndër operatorët më aktivë dhe me kontribute disa vjeçare në disa media audiovizive të vendit, u nda sot nga sëmundja e pashërueshme, duke lënë në pikëllim të thellë familjen, të afërmit, miqtë, kolegët dhe dhjetëra bashkëpunëtorë të tij.

Alketi ndau përvoja profesionale me disa kanale dhe studio të prodhimit televiziv në vend. Ai konsiderohet si njeri ndër operatorët e papërtuar që mbajti në fokusin e kamerës së vet ngjarje, episode, protagonistë dhe detaje imazhesh që kanë lënë gjurmë në mendjen dhe kujtesën e audiencës shqiptare.

Alketi ka qenë ndër bashkëpunëtorët e paharruar për shumë gazetarë të redaksive te ndryshme televizive si dhe për dhjetëra homologë të tij në mediat e vendit.

Ai ishte prind i dashur dhe i dhembshur i pesë fëmijëve të tij, nga të cilët u nda në moshë të re, duke i lënë në një kohë të vështirë.

Unioni i Gazetarëve Shqiptarë ndan dhimbjen me familjen Metko dhe gjithë të dashurit e Alketit. Shprehim ngushëllimet tona dhe bindjen se do të jemi pranë fëmijëve të tij të dashur dhe gjejmë rast për t'u kujtuar institucioneve dhe punëdhënësve të Alketit të bëjnë kujdes e dëshmojnë interesim për mbarëvajtjen e fëmijëve të tij.

Me dhimbjen e largimit të parakohshëm nga jeta dhe me forcën e solidaritetit si koleg e miq, i shprehim familjes Metko ngushëllimet për të gjetur forca dhe kurajo në përballimin e kësaj humbjeje të pazëvendësueshme qe la Alketi i dashur dhe i respektuar nga të gjithë. I paharruar qoftë kujtimi i tij!

Të fundit