Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

NDAL: 23 400 shqiptarëve u është ndaluar hyrja në zonën Shengen. Katër vende mbajnë rekordin e refuzimeve

Politiko 16 Korrik 2019, 20:02
NDAL: 23 400 shqiptarëve u është ndaluar hyrja në zonën

Një numri prej 23,400 shtetasish shqiptarë u është mohuar hyrja në Zonën Shengen vitin e kaluar. Kjo nga një total prej 471,200 shtetasish jashtë BE që janë ndaluar në një nga pikat hyrëse të zonës Shengen, raporton Politiko.al.

Sipas të dhënave të publikuara nga Eurostat, gati gjysma e refuzimeve për udhëtarët shqiptarë janë bërë në kufirin me Greqinë. 11.075 që tentuan të hynin në Greqi u kthyen prapa. Vendi i dytë me shkallën më të lartë të shqiptarëve të refuzuar është Kroacia, me 2,670 ndjekur nga Mbretëria e Bashkuar me 1,455 dhe Franca me 1,450.

Bartësit e pasaportave shqiptare mund të udhëtojnë pa viza në zonën Shengen që nga viti 2011, kur qeveria e atëhershme (e djathtë) e Shqipërisë arriti marrëveshjen e kërkuar për liberalizimin e vizave me vendet e Shengenit.

Vetëm kohët e fundit, Komisioni Europian ka vlerësuar një kërkesë nga qeveria holandeze për të pezulluar regjimin pa viza për Shqipërinë. Sipas kësaj kërkese, "shtetasit shqiptarë luajnë një rol të rëndësishëm në krimin e organizuar në Holandë dhe ka një numër në rritje të emigrantëve të paligjshëm nga Shqipëria, ndërsa numri i aplikimeve për azil nga shtetasit shqiptarë është gjithashtu i lartë".

Megjithatë, Komisioni Europian e hodhi poshtë këtë kërkesë pas një vlerësimi të kujdesshëm, duke përfunduar se nuk ka arsye të mjaftueshme për të pezulluar regjimin pa viza për Shqipërinë.

 

Të fundit