Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Ndryshimet kushtetuese kushtojnë integrimin, Rama-Wadephul: Mik i Bashës, deklarata e tij zhgënjyese; koalicionet nuk ndalohen

Politiko 15 Korrik 2020, 13:37

Ndryshimet kushtetuese kushtojnë integrimin, Rama-Wadephul: Mik i

Kryeministri Edi Rama e ka cilësuar një deklaratë zhgënjyese që mban krahun e opozitës jashtëparlamentare të numrit dy të CDU/CSU, Johann Wadephul.

Një ditë më parë ai reagoi ashpër pas miratimit nga Komisioni i Ligjeve hapjen pjesërisht të listave dhe ndalimin e koalicioneve parazgjedhore, duke i cilësuar ato si një asgjësim të marrëveshjes së 5 qershorit, të arritur në Këshillin Politik me opozitën jo parlamentare.

Në kushte të tilla, zyrtari gjerman kërkoi miratimin pa ndryshime të marrëveshjes së 5 qershorit, ose paralajmëroi bllokimin e integrimin në BE.

"Gjermania është pikë referimi e mbarë botës , edhe e jona si shtet shembullor për funksionimin e demokracisë dhe lokomotivë që tërheq jo vetëm me fuqinë e saj si shtet, por me shembullin e saj Europa.

Deklarata nga Bundestagu ishte zhgënjyes në planin etik, i nxituar në planin institucional dhe i çbalancuar në planin politik.

Johann Wadephul është mik shumë i mirë i Bashës por edhe mik i imi personalisht. Kam komunikim të vazhdueshme me të dhe e çmoj shumë për lehtësimin e marrëdhënieve politike në Shqipëri. E çmoj se është mbështetës për Ballkanin Perëndimor .

Ai e çmon shumë marrëveshjen e 5 qershorit, por deklarata e tij nënçmon parlamentin si noter pa drejtë fjale i një marrëveshje që duhet zbatuar.

Jemi 100% dakord edhe me votën e sotme , por marrëveshja nuk është kusht për të ndaluar parlamentin për të shkuar përtej saj duke demokratizuar më tej zgjedhjet, ky është nxitimi, në planin etik deklarimi i mikut tonë ishte zhgënjyes se nuk mund të lihet me të dëgjuar, por me fakte të verifikuara. Nuk e ka sajuar por e ka dëgjuar se nisma ndalon koalicionet. Kjo është e pavërtetë. Koalicionet as nuk ndalohen, por do jenë si në çdo vend të BE, ku partitë kanë lirinë të grupohen dhe të paraqiten me kandidatët e tyre sic bën CDU.

Si mundet të ndalohet dicka e tillë.

Në planin politik deklarata është shumë i pa balancuar, mban krahun e opozitës jashtëparlamentare. Më vjen keq për faktin se në deklarimin e djeshëm flitet për vënien në pikëpyetje për perspektivën evropiane të vendit, ndërkohë që qofte Bundestagun nuk i ka vënë kusht Shqipërisë të bëjë Bashën të lumtur, apo marrëveshje jashtë parlamentit me partitë që e braktisën dhe as të marrin pëlqenim e Bashës që parlamenti ndërmerr si sovran që është.

Këshilli Evropian dhe Bundestagu miratimin e një reforme elektorale bazuar në rekomandimet e OSBE ODIHR, kjo është kërkesa për Shqipërinë. Vendi s’mund të gjykohet mbi bazën e anësive politike apo fjalëve, por mbi bazën e fakteve.

Nuk jam penduar që e pritëm në pafundësi opozitën jashtë në tryezë, duke e shtyrë shumë procesin për reformën dhe që në fund bëmë marrëveshje duke i dhënë gjithçka kërkoi, edhe përtej dëshirës sonë. Nuk donim që vendi të mos depolitizonte administratën zgjedhore. Qëllimi ynë ishte depolitizomi i menjëhershëm dhe i dobishëm për procesin. Falë ndihmës së politikanit gjerman , e partnerët e shpërfillëm rekomandimin bazë të OSBE, depolitizimi i administratës zgjedhore, nuk pendohem por faktet kanë rëndësi.

Ka shumë rëndësi të gjykojmë mbi produktin, jo për fjalët. Besoj se është koha që të gjithë të shohin faktet dhe të lënë mënjanë pëlqimet çfarë po bën Shqipëria. Perspektiva evropiane e Shqipërisë nuk besoj të errësohet", tha Rama, duke shtuar se nisma e re e ndryshimeve kushtetuese nuk ndalon koalicionet.

"Nuk po hiqen koalicionet, por po krijohet një kuadër ku koalicionet do funksionojnë si në cdo vend të Evropës, jo si rrap pas dushkut. Ju kujtohet historia e devijimit të votës.

Nëse ka nisma diçka që nuk përputhet me standarde jam i gatshëm të dëgjoj se ku, por nuk është standard pëlqimi i Bashës lidhur me çfarë bën parlamenti.

Kërcënimi se po nuk u bë kështu nuk funksionon nga politika e brendshme, por është në planin kombëtar një akt i dënueshëm, nga populli me votë.

Për mua cdo kush në botën e sotme me kaq shumë halle e situata kritike që gjen kohë për të ndihmuar meriton mirënjohje, por në vijën e sjelljes time që nga dita e parë në këtë detyrë që biem dakord ose jo, jo për të gjitha dakordësohemi, duhet diskutojmë sepse jemi miq e partnerë", tha Rama.