Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

KRYESORE

Në emër të AKEP apo të Ramës? Ilir Zela aferë korruptive me tarifat e telefonisë për të ndihmuar ish-punëdhënësin e vet, Albtelecomin

Politiko 12 Shkurt 2018, 13:03

Në zyrat e shtetit, në mungesë të plotë trasparence, ashtu fshehurazi siç hartohen aferat korruptive, AKEP ka bërë gati një vendim kundër çdo rregulli që prek dy prej kompanive më të mëdha celulare në vend, duke favorizuar vetëm njërin prej tyre, pikërisht Albtelecom, ku ka punuar më parë Ilir Zela, që sot është në krye të Këshillit Drejtues të AKEP.

Asnjë sinjal i dhënë, asnjë diskutim i bërë, asnjë konsultim e mendim i marrë nga operatorët për të hartuar një vendim që synon të marrë masa të mëdha.

Duke lexuar fjali pas fjalie këtë vendim duket krejt e qartë se AKEP, ose më mirë të themi Ilir Zela po favorizon Albtelecom. Si? Do ta shpjegojmë pak më poshtë këtë vendim, që nëse anëtarët e bordit të AKEP do të vendosnin të rrezikonin duke e firmosur, sigurisht duke shkelur ligjet në fuqi, në kohërat kur reforma në drejtësi po jep frutet e para. Pranimi i kësaj afere do të ishte një shembull konkret i kapjes së shtetit nga interesa korruptive, siç thuhej edhe në strategjinë e zgjerimit të BE-së në vendet e Ballkanit Perëndimor, të publikuar në 6 Shkurt.

Vendim propozimi duke u bazuar në parimin e proporcionalitetit dhe ndryshimeve të ndodhura në treg gjatë periudhës 2014-2017, kërkon të diferencojë zbatimin e masës rregulluese të mos diskriminimit në tarifa me pakicë të thirrjeve on- net/ off net për Albtelecom dhe dy operatorët e tjerë Vodafone Albania dhe T- Mobile.

AKEP kërkon t’ ja heqë këtë detyrim Albtelecom, duke filluar nga dt 1 Prill i këtij viti, ose thënë thjesht kërkon t’i dhurojë disa milionë euro një operatori në treg për arsye të paqarta e mbi të gjitha siç duket nga drafti, me qëllim të pastër klientelist.

Sipas dokumentit, AKEP e justifikon këtë vendim duke gjykuar se heqja e këtij detyrimi duhet bërë pasi Albtelecom është operatori më i vogël në treg dhe me proporcionin më të madh të thirrjeve off-net se dy operatorët e tjerë

Se me heqjen e ketij detyrimi këtij operatori të vogël në treg i jepet stimuli të ofrojë tarifa konkurruese off net. Pavarësisht dyshimeve që ngriti emërimi i Zelës, ish Drejtor Juridik i Albelekom për konflikt të mundshëm interesi, askujt nuk ia mori mendja se nkë aventurë e tillë ligjore do të iniciohej nga kreu i AKEP, për të ndihmuar ish punëdhënësin e tij.

Në këtë dokument thuhet gjithashtu se problemi që mund të shkaktojë në treg heqja e këtij detyrimi për Albtelcom është shumë i vogël në raport me heqjen e këtij detyrimi dy operatorëve më të mëdhenj.

Ndryshimet e ndodhura në tregun celular, si dalja nga tregu i Plus, rrisin theksin për një qasje më të kujdesshme ndaj operatorëve më të vegjël në tregun celular dhe mbijetësen e tyre.

Pra Këshilli Drejtues i AKEP duket se paska aq shumë merak për Albtelecom sa nuk po heziton të shkelë brutalisht legjislacionin shqiptar qëështë në përputhje me atë europian, si dhe të drejtat e rregullat ligjore dhe finaciare të dy kompanive e mëdha celulare në vend, të dy investitorëve të mëdhenj të huaj që operojnë sukseshëm prej vitesh në ekonominë shqiptare.