Flash News

Jepte para me fajde dhe kanoste njerëzit, arrestohet nënkomisari në Elbasan (EMRI)

EMRI/ Drogë dhe armë pa leje, arrestohet i riu në Durrës, nën hetim bashkëpunëtori

Alarmi i zjarreve në vend, 6 vatra ende aktive, si paraqitet situata deri tani

I dënuar në Zvicër për trafik droge, arrestohet në Qafë Thanë maqedonasi (EMRI)

Temperaturat deri në 40 gradë! Parashikimi i motit për ditën e sotme

OP-ED

A ka alternativa të reja më 25 prill?

Politiko 20 Janar 2021, 18:45
A ka alternativa të reja më 25 prill?

Alfred Lela

Shqipëria ngjan e dorëzuar. Ajo i ka provuar, si eksperimentet ashtu edhe traditat. Të vjetrit dhe të rinjtë. Ka dalë e zhgënjyer prej të dyjave.

Çfarë e shpjegon tjetër faktin se, në një sondazh të Westminster Foundation for Democracy, lëvizjet rishtare politike dhe qytetare konsiderohen si të papesha. Ky është një lajm i keq për 25 prillin, të pavendosurit dhe alternativat ndaj partive tradicionale të spektrit politik.

Pse ndodh kjo? Së pari për shkak të qeverisë dhe të opozitës. Të dyja kanë frymëzuar opinionin me teza se lëvizjet ose partitë e reja janë në shërbim të njërës ose të tjetrës. Pra, nuk janë të pavarura dhe as qytetare. Edhe nëse kjo është e vërtetë, më shumë se për parimin e pavarësisë bëhet për të mos lejuar futjen në spektër të forcave të reja dhe vibrante të cilat mund të rrezikojnë pushtetin e njërës ose tjetërs palë.

Qeveria ka interesin më të madh në ruajtjen e status quo-së dhe ndihet e rrezikuar nga çdo lëvizje e re që mund të bëhet ortek ndryshimi. Sulmet e pareshtura dhe të përveçme kundër Aleancës për Teatrin e shpjegojnë këtë. Opozita ka treguar të njëjtin shqetësim kundër partive të dala nga pakënaqësitë e ish-eksponentëve të saj.

Por, asgjë nuk e shpjegon drojën e të mëdhenjve se sa lëvizja studentore e para dy viteve e cila u duk e barazlarguar nga palët, dhe u mbyt që në djep pikërisht për faj të kësaj barazlargësie.

Ftohja e me lëvizjet e reja ndodh edhe sepse publiku është tradhtuar disa herë. Nga ‘Mjaft’ dhe AKZ për shembull, që qenë lëvizjet qytetare më shpërthyese të dy dekadave të shkuara. Njerëzit  e kuptuan se të rinjtë e lëvizjeve vjetëroheshin shëmtuar sapo kalonin derën e partive politike. Kështu, jemi përpara një mosalternative: të rinjtë e vjetëruar të partive tradicionale apo lëvizjet e reja të dala nga cene të vjetra?

Deri më 25 prill keni kohë për të ndarë mendjen.

 

Të fundit