Pesë pyetjet e opozitës drejtuar ODIHR, Fuga: Teorike dhe të pagjetura

Akademiku Artan Fuga ka bërë një analizë të pesë pyetjeve të Opozitës së Bashkuar drejtuar OSBE/ODIHR, lidhur me mosdakordësinë mes palëve në Këshillin Politik për koalicionet parazgjedhore dhe hapjen 100% të listave.

Nëpërmjet një postimi në facebook, Fuga shkruan se këto janë pyetje teorike që nuk sjellin asgjë.

Ai ndalet kryesisht tek pyetja e 3-të ku flitet për ndryshimin e Kodit Zgjedhor 6 muaj para zgjedhjeve duke thënë se një gjë e tillë nuk është mirë të ndodhë.

Postimi i plotë:

E qartë, përgjigja e OSBE – ODHIR, çfarë do thotë ? Bëni duel me shpata këtu para Presidencës? Do të thotë po qe se nuk merreni vesh, atje në Kuvend dhe pikë! Pyetje të pagjetura!

Pesë pyetje me përgjigje brenda dërguar OSBE-ODHIR

Nga Këshilli Politik iu drejtuan disa pyetje OSBE-ODHIR për të zgjidhur krizën për Kodin elektoral. M’u dukën si pyetje teorike. Aq më shumë me përgjigjen brenda dhe që nuk sjellin asgjë. Dihet pak a shumë përgjigja, nëse ata atje siç bën ndonjëherë pedagogu kur pyetjet janë fare kot dhe bën sikur nuk i ka venë re dhe as u përgjigjet fare.

Paradoksalisht them se do të përgjigjet kështu:

Pyetja e parë : A përputhet me standardet ndërkombëtare mekanizmi aktual i Kodit për koalicionet dhe formula e shpërndarjes të mandateve ?

Pse si do të thotë OSBE – ODHIR që Kodi aktual që ka qenë në fuqi dhe vazhdon aktualisht të jetë në fuqi është kundër standardeve ndërkombëtare për zgjedhje demokratike ?

A mund të thotë që formula e koalicioneve aktualisht dhe e shpërndarjes të mandateve nuk është demokratike ? Nuk e thotë dot sepse OSBE – ODHIR e ka certifikuar atë. Me këtë formulë janë bërë zgjedhjet derimëtani. Pra, përgjigja dihet. Po, demokratike janë, qoftë edhe minimalisht !

Problemi nuk është fare këtu. Problemi është nëse janë ndryshimet e propozuara dhe që PS dëshiron t’i imponojë ato të duhurat, si duket, a janë ato që duhen, a janë demokratike apo jo ?

Pyetja e dytë: A i lejojnë listat e hapura mekanizmi dhe formula aktuale dhe a eshte në përputhje me standardet e OSBE-ODHIR ?

Edhe listat e mbyllura edhe listat e hapura OSBE – ODHIR do t’i quajë demokratike sigurisht. Sepse shembujt në botë janë si t’i duash. Pastaj në Shqipëri me lista të mbyllura janë bërë. Cdo hapje do thotë është pozitive, por edhe të mbyllura demokratike janë. Si do thotë ndryshe ?

Pyetja e tretë : A mund të ndryshohen njëanshmërisht rregullat zgjedhore 6 muaj para zgjedhjeve ?

Në mënyrë të njëanëshme nuk është mirë, por nga ana tjetër ka një Kuvend që funksionon me anën e një shumice të caktuar për Kodin elektoral. Sa kohë që OSBE – ODHIR e pranon atë Kuvend, sigurisht do të pranojë edhe vendimin e tij. Pyetja e ka përgjigjen brenda.

Pyetja e katërt : A minon barazinë në garë dhe a bie ndesh me disa standarede OSB ndryshimi i njeanshem i rregullave shume afer zgjedhjeve ?

Sigurisht që nuk është e mirë, do të thotë OSBE – ODHIR, por ju a jeni në Këshillin Politik ? Prania juaj atje edhe tani atje ka qenë dakordësia për t’i debatuar tani këto çështje se gjatë verës ishit me pushime. Cfarë kërkoni nga ne?

Së pesti: Ne kushtet e mosdakordësisë cila eshte zgjidhja në përputhje me standardet e OSB për zgjedhjet demokratike ?

E qartë, përgjigja e OSBE – ODHIR, çfarë do thotë ? Bëni duel me shpata këtu para Presidencës ? Do të thotë poqese nuk merreni vesh, atje në Kuvend dhe pikë !

Pyetje të pagjetura!

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm