Flash News

Me simbolin e shqiponjës, Torino prezanton blerjen e mbrojtësit të Kombëtares shqiptare

Zhdukja e Eraldo Muçit, zbardhet dëshmia e nënës së tij: Djali im ishte shok me Sançon

28 të arrestuar në Itali e Spanjë për trafik droge, mes tyre një shqiptar

Banorët përplasen me policinë në Theth: Jemi në tokën tonë

Rihapet çështja e vrasjes së mësueses italiane, e dyshuar një 47-vjeçare shqiptare

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 4 Qershor 2020, 08:35

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

Çështja  McCann: Një predator seksual gjerman që jetonte në Portugali (1995-2007) është nën hetim, i dyshuar për vrasjen e vitit 2007 të Madeleine McCann, një 3-vjeçare britanike që u zhduk nga një dhomë hoteli në Portugali, thanë autoritetet. Burri, i cili nuk u identifikua, është në burg për një dënim tjetër të palidhur me rastin.

Vaksinat: Administrata Trump përzgjodhi pesë kompani si më të predispozuarit për të prodhuar një vaksinë për koronavirusin, në një grup prej rreth 12. Ato janë Moderna, një firmë bioteknike; një aleancë mes Universitetit të Oksfordit dhe AstraZeneca; dhe kompanitë farmaceutike Johnson & Johnson, Merck dhe Pfizer.

Deutsche Bank: Rregullatorët bankarë të Nju Jorkut kanë kaluar muaj duke hetuar marrëdhëniet e financierit Jeffrey Epstein me Deutsche Bank, e cili i huazoi para dhe mbajti dhjetëra llogari për të deri pak para se të vdiste.

Cikloni Nisarga: Një stuhi e fuqishme goditi tokën me forcë të pazakontë në shtetin e Maharashtras, ku gjendet Mumbai, në Indi, me një popullsi prej rreth 20 milion. Por ndërsa cikloni u zhvendos në tokë, autoritetet thanë se qyteti mund t’i jetë shmangur më së keqes.

Tre oficerët e policisë së Minneapolis të cilët nuk ndërhynë ndërsa George Floyd u vra, u akuzuan si ndihmës në vdekjen e tij, dhe zyrtarët ngritën një akuzë më të rëndë - vrasje të shkallës së dytë - kundër oficerit i cili përdori gjurin e tij për të mbajtur forcërisht përtokë Floyd, për gati nëntë minuta.

Në Uashington, ushtria e përjashtoi veten nga qasja e Presidentit Trump. Sekretari i Mbrojtjes Mark Esper tha që trupat ushtarake me detyrë aktive nuk duhet të dërgoheshin për të kontrolluar valën e protestave, të paktën tani për tani, një pozicion në kundërshtim me komandantin e tij të përgjithshëm, Trump.

THELLE

Oferta e Britanisë për Hong Kongun e rrit përballjen me Kinën

Kryeministri Boris Johnson i rriti aksionet në një konfrontim të mprehtë me Kinën të mërkurën, duke premtuar se do të lejojë afro tre milion njerëz nga Hong Kongu të jetojnë dhe të punojnë në Britani nëse Pekini bën përpara me një ligj të ri të sigurisë kombëtare në ish-koloninë britanike.

Oferta e Johnson hap dyert për një fluks të konsiderueshëm njerëzish që ikin nga Hong Kongu nëse situata në territor përkeqësohet më tej. Por kjo lë pa përgjigje pyetjen tjerëse se sa e vështirë do të ishte për këta marrja e shtetësisë britanike.

Kina e hodhi poshtë idenë, duke deklaruar se Britania nuk ka të drejtë të bëjë një ofertë të tillë për banorët e Hong Kong-ut që janë shtetas kinezë.

Kina e sigurt: Pavarësisht lëvizjeve hakmarrëse, Pekini e sheh pozicionin e tij si të fortë ndërsa pjesa tjetër e botës është e ndarë dhe ende po rimëkëmbet nga pandemia e koronavirusit. Shtetet e Bashkuara, nga ana e tyre, do të dëmtojnë veten më shumë duke marrë një pozicion të fortë në rastin e Hong Kongut, besojnë zyrtarët.

Fluturimet ShBA-Kinë: Pekini duket se u tërhoq pjesërisht nga një mosmarrëveshje rreth udhëtimeve ajrore, duke thënë se do të lejojë që fluturimet e kufizuara nga transportuesit ndërkombëtarë të rifillojnë pasi Shtëpia e Bardhë kërcënoi të bllokojë avionët kinezë të pasagjerëve nga fluturimi në ShBA.

Të fundit