KRYESORE

 “Pozicioni ynë është konstruktiv”, kur do ta njohë Spanja Kosovën?

 “Pozicioni ynë është konstruktiv”, kur do ta

Spanja do të njihte pavarsinë e Kosovës nëse do të arrihej një  marrëveshje me Serbinë, është shprehur Madridi zyrtar, i vetmi sinjal pozitiv që kur nisën bisdimet.

“Pozicioni ynë nuk është obstruksionist. Përkundrazi, është konstruktiv”, tha Ministria e Jashtme Spanjolle për EUobserver.

“Pozicioni spanjoll mund të sintetizohet në fjalinë vijuese: “asgjë pa marrëveshje, gjithçka me të”,  përfshirë njohjen politike (të Kosovës) dhe vendosjen e marrëdhënieve diplomatike”, u shpreh ajo.

Spanja nuk e ka njohur Kosovën sepse e konsideroi shpalljen e pavarësisë së saj të 2008 “në kundërshtim me sundimin e ligjit dhe idenë tonë për një Evropë të larmishme dhe tolerante”, vuri në dukje ministria.

Deklarata pak a shumë përsëriti pozicionin e mëparshëm të Spanjës mbi çështjen, si dhe ato të katër vendeve të tjera jo-njohëse të BE-së, Qiproja, Greqia, Rumania dhe Sllovakia.

Por koha e deklaratës spanjolle përkoi me rifillimin e fundit të bisedimeve të ndërmjetësuara nga BE për normalizimin e lidhjeve Kosovë-Serbi pas një pauzë gati dyvjeçare.

Ai tregoi se qeveria e krahut të majtë të Spanjës ishte më e hapur për lëvizjen.

Dhe kishte një rëndësi shtesë sepse Spanja është më e madhja dhe deri më tani ishte një nga më kundërshtaret mes mosnjohësve.

“Sipas informacionit tonë, qeveria aktuale spanjolle krahasuar me ato të mëparshme është pak më fleksibile në lidhje me pjesëmarrjen në takime së bashku me përfaqësuesit e Kosovës”, i tha kësaj uebfaqeje një eurodeputete gjermane e Gjelbër, e cila është raportuese e Kosovës, Viola von Cramon-Taubadel.

“Kjo tregon saktësisht rëndësinë e dialogut midis Beogradit dhe Prishtinës. Vlen të vazhdohet me bisedimet”, shtoi ajo.

Ditari politik

Të fundit