PS mocion për presidentin në Kuvend, Meta njofton tjetër konferencë për shtyp   

Presidenti Ilir Meta pritet të dalë sot sërish në një tjetër konferencë për shtyp.

Zyra e shtypit pranë presidencës ka njoftuar se Meta do të ketë një dalje për mediat sot në orën 16.00.

“Presidenti i Republikës Sh.T.Z Ilir Meta do të zhvillojë sot një konferencë për shtyp në ora 16:00, në ambientet e Institucionit të Kreut të Shtetit”, thuhet në njoftim.

Kujtojmë se lëvizja e Metës vjen pasi Konferenca e Kryetarëve vendosi sot pesë orë debat në seancën e kësaj të enjte në Parlament lidhur me dekretin e presidentit për anulimin e zgjedhjeve vendore dhe shkarkimin e tij nga detyra.

Meta, një ditë më parë, mbajti një tjetër konferencë të jashtëzakonshme në orën 08.00 të mëngjesit ku firmosi ‘live’ dekretin për anulimin e 30 qershorit.