“Qeverisja ka degraduar, ndërsa rendi dhe siguria janë përtokë”, PD reagon pas atentatit në “Vasil Shanto” dhe vrasjes në Bathore

Partia Demokratike ka reaguar pas dy ngjarjeve të rënda që tronditën kryeqytetin mbrëmjen e kësaj të marte, ku kunati vrau kunatën në Bathore, dhe Preng Gjinit iu bë atentat me tritol në “Vasil Shanto”.

Përmes një postimi në rrjetet sociale, ish-deputeti demokrat, Ervin Salianji, theksoi se qeverisja ka degraduar, ndërsa rendi dhe siguria janë përtokë.

“Shqipëria me Edi Ramën është kthyer në një vend të pasigurt për të jetuar!Vrasje, larje hesapesh, drogë, trafiqe, korrupsion endemik, rendi dhe siguria përtokë, qeverisja ka degraduar nê deklarata! Qeveria përkëdhel bandat dhe kamxhikon varfanjakët! Shqipëria me Edi Ramën është kthyer në një vend të pasigurt për të jetuar!”, shkruan Salianji.