Flash News

Rajoni

Marrëveshja Kosovë-Serbi, Daçiç: Pajtohemi deri te “vijat e kuqe”

Marrëveshja Kosovë-Serbi, Daçiç: Pajtohemi deri te

Ministri i Jashtëm i Serbisë, Ivica Daçiç, ka thënë se vendi është gati të zbatojë marrëveshjen e arritur me Kosovën në Ohër, por deri te “vijat e kuqe”.

Nga Brukseli, ku mori pjesë në një konferencë donatorësh për mbledhjen e fondeve për tërmetin shkatërrues që goditi Turqinë dhe Sirinë, Daçiç tha se vijat e kuqe për të cilat flet janë njohja reciproke e Kosovës dhe anëtarësimi në Kombet e Bashkuara.

“Vijat tona të kuqe, me të cilat nuk pajtohemi përfshijnë njohjen reciproke: jo njohje e Kosovës dhe as anëtarësim i Kosovës në Kombet e Bashkuara”, ka thënë Daçiç.

Kujtojmë se të shtunën, kryeministrit i Kosovës Albin Kurti dhe presidenti serb Aleksandër Vuçiç, u pajtuan për zbatimin e marrëveshjes së propozuar nga Gjermania dhe Franca, mbi dialogun mes dy vendeve.

Të fundit