Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Rajoni

Mësuesi në Kosovë hedh në mbeturina flamurin shqiptar, përjashton nga mësimi nxënësen që mbante plis

Politiko 28 Nëntor 2024, 09:55

Mësuesi në Kosovë hedh në mbeturina flamurin shqiptar,

Simbolet kombëtare u bënë shkak për sherr në një nga klasat e gjashta në shkollën “Xhemail Mustafa” në Prishtinë.

Mësuesi i lëndës së gjuhës angleze në shkollën “Xhemail Mustafa” në Prishtinë akuzohet se përjashtoi një nxënëse nga klasa e gjashtë e cila kishte vendosur një plis në kokë me rastin e festës së 28 nëntorit dhe hodhi në koshin e mbeturinave edhe flamurin shqiptar.

Nxënësit e klasës së gjashtë thonë se mësuesi i lëndës së gjuhës angleze, ka refuzuar që t’i lejojë nxënësit të hyjnë në orë me elemente që simbolizojnë shënimin e 28 Nëntorit.

“Shkoi dhe i bërtiti dhe tha se nuk duhet të mbahet plisi gjatë orës mësimore dhe Tea e mori këtë shumë ofenduese se ky është një simbol shqiptar… ai e mori flamurin dhe donte ta hidhte te mbeturinat, por nuk e lejoi ai nxënësi që ishte te tabela, por mësuesi e ka shtyrë që ai të largohet dhe e ka hedhur në kosh”, ka thënë një nxënëse.

Nxënësit po ashtu e akuzojnë mësimdhënësin për predikime fetare gjatë procesit mësimor. “Po ashtu ai thotë se nuk duhet të kemi asnjë simbol në klasë sepse këtu duhet me mësu, ne mendojmë që kjo ndërlidhet me fenë, pasi çdo orë flitet diçka për fenë”, ka deklaruar një tjetër nxënëse.

Agim Kita, vajza e të cilit u largua nga ora mësimore nga mësuesi i gjuhës angleze, thotë se veprimet e mësimdhënësit janë të papranueshme.

“Me ardhë puna në vitin 2024 në prag të 28 Nëntorit me largu një fëmijë prej shkolle për shkak të simboleve kombëtare, kjo është tragjedi dhe është skandaloze”, ka theksuar Kita.

Zëvendësdrejtori i shkollës, Fatos Berisha, thotë se mësuesi e ka pranuar se e ka larguar nxënësen nga klasa për shkak të mbajtjes së simboleve kombëtare. Ai theksoi se ka vendosur vërejtje ndaj tij dhe rastin e ka raportuar në Drejtori të Arsimit.

Sipas Berishës, edhe në të kaluarën ka pasur ankesa ndaj mësuesit për predikime fetare gjatë orëve mësimore.

“Në të kaluarën ka pasur ankesa të natyrave të tjera, jo të simboleve kombëtare, do të thotë për mospërfillje të planprogramit mësimor ky ka fol për temat të cilat nuk kanë të bëjnë me planprogramin me lëndën të cilën ai e ligjëron. Për këto ankesa i kemi dënuar në nivelin disiplinor në DKA”, ka deklaruar Berisha.

Mediat kosovare kanë kontaktuar mësuesin, por nuk është përgjigjur gjatë së mërkurës. E as në Drejtorinë e Arsimit nuk janë përgjigjur nëse komisioni disiplinor ka trajtuar ankesat e mëhershme ndaj arsimtarit.