Flash News

Tronditje në qeverinë e Johnson, japin dorëheqjen dy ministrat e kabinetit britanik

Mali i Zi më afër BE-së, mediat vendase zbardhin ‘paktin’ e fshehtë të Gjukanoviç me liderët evropianë

63 mln euro mashtrim me TVSH, të përfshira kompani që fitojnë kontrata publike

Rritet ndjeshëm numri i të prekurve me Covid-19, dy humbje jete në 24 orët e fundit

Gazetari i majtë: Do jem në protestën e 7 korrikut! Do iki nga Shqipëria nëse situata nuk ndryshon

Rajoni

Pas Shqipërisë, edhe Serbia e Maqedonia e Veriut i bashkohen Samitit të BE-së

Politiko 22 Qershor 2022, 13:14

Pas Shqipërisë, edhe Serbia e Maqedonia e Veriut i bashkohen Samitit

Opozita bullgare e udhëhequr nga Boyko Borissov njoftoi pak më parë se do të japë dritën jeshile për heqjen e vetos ndaj Maqedonisë së Veriut, duke i hapur kështu rrugë tryezës së bisedimeve për Shkupin dhe Tiranën.

Kryeministri Edi Rama konfirmoi pak më parë prezencën e tij në Samitin e BE-së që do të mbahet të enjten. Megjithëse jo shumë optimist, Rama tha se do të jetë në Këshill pas vendimit të Bullgarisë.

Edhe RMV dhe Serbia i janë bashkuar Ramës, ku presidenti serb Aleksandër Vuçic dhe kryeministri maqedonas Dimitar Kovaçevski kanë konfirmuar pjesëmarrjen e tyre në samit, raporton ‘Kurir’. Ndër të tjera në artikull thuhet se tre liderët janë të vendosur për dialog si mënyra e duhur për të zgjidhur çështjet.

"Pas konsultimeve të hollësishme dhe gjithëpërfshirëse me bashkëpunëtorët dhe anëtarët e qeverive, liderët e tre vendeve vendosën të shkojnë së bashku në samit, duke rënë dakord për parimet që do të jenë shtylla kryesore e bisedimeve me zyrtarë të shumtë të BE-së.

Duke pasur parasysh se Republika e Serbisë, Republika e Shqipërisë dhe Republika e Maqedonisë së Veriut përfaqësojnë vazhdimisht interesat e qytetarëve të tyre dhe të gjithë rajonit të Ballkanit Perëndimor në të gjitha forumet relevante ndërkombëtare, vendimi për pjesëmarrje dhe qasje të përbashkët në samitin e Brukselit është një tjetër hap drejt progresit, por edhe një sinjal i qartë se pavarësisht pengesave të shumta, ne vazhdojmë të japim një kontribut konstruktiv në rrugën e integrimit evropian.

Jemi të vetëdijshëm se temat që do të diskutojmë në samit nuk do të jenë të lehta, por pjesëmarrja jonë do të tregojë dhe konfirmojë edhe një herë përkushtimin tonë në rrugën evropiane të Serbisë, Shqipërisë dhe Maqedonisë së Veriut.

Gjithashtu u ra dakord që në takimet në Bruksel do të vazhdojmë të luftojmë për dialogun si modelin kryesor dhe të vetëm korrekt për zgjidhjen e të gjitha çështjeve të hapura, me përpjekje për të forcuar besimin e ndërsjellë dhe për të intensifikuar komunikimin me zyrtarët e Unionit, gjithçka për të vazhduar luftën. për një jetë më të mirë të të gjithë qytetarëve tanë", thuhet në artikullin e ‘Kurir’.

Të fundit