Flash News

11 ditë nga zhdukja e Eglant Koçit, Armando Shakaj ende në arrati

Aksident në aksin Fier–Libofshë, 4 të plagosur

U ekstradua nga Spanja, GJKKO lë në burg djalin e Erzen Breçanit

Ish-ministri i Kosovës dënohet me dy vjet burg për konflikt interesi

U vra me breshëri plumbash brenda në automjet, del foto e viktimës në Mirditë

Rajoni

Tragjedi në Detin Egje: Tre të vdekur dhe 25 të zhdukur pas mbytjes së një varke me emigrantë

Politiko 23 Shtator 2024, 17:36

Tragjedi në Detin Egje: Tre të vdekur dhe 25 të zhdukur pas

Tre persona humbën jetën dhe 25 të tjerë rezultojnë të zhdukur pasi një varkë me emigrantë dhe refugjatë u mbyt pranë ishullit grek të Samos të hënën. Sipas policisë bregdetare greke, varka që mbante 33 persona, kryesisht emigrantë nga vendet e treta, u përmbys vetëm pak metra para mbërritjes në breg. Banorë dhe peshkatarë që ndodheshin në afërsi, arritën të shpëtojnë pesë persona, ndërsa tre viktimat, dy prej të cilave vajza të mitura, nuk mundën të mbijetojnë.

Operacioni i kërkimit, në të cilin marrin pjesë dhjetëra pjesëtarë të rojes bregdetare, helikopterë dhe banorë me skafë privatë, po vijon ende, megjithëse shpresat për të gjetur të mbijetuar po veniten me kalimin e kohës. Përpjekjet e kërkimit janë të vështirësuara nga kushtet e këqija atmosferike, me erëra të forta dhe dallgë të mëdha që e komplikojnë situatën.

Zona ku po bëhen kërkimet është shkëmbore dhe ka rryma të forta, gjë që po e bën edhe më të vështirë misionin e shpëtimit. Të mbijetuarit janë dërguar në spitalin e ishullit, ndërsa trupat e viktimave janë transportuar në morg, me identifikimin që pritet të jetë një sfidë e madhe për autoritetet.

Të fundit