Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

KRYESORE

Rekomandimi për negociatat; Rama më pak entuziast se një vit më parë

Politiko 29 Maj 2019, 20:19

Rekomandimi për negociatat; Rama më pak entuziast se një vit

Pas vendimit pozitiv të Komisionit Europian për hapjen e negociatave, kryeministri Edi Rama u shfaq sot në një konferencë me ambasadorin e BE-së në Tiranë, Luigi Soreca. Rama ia atribuoi gjithçka reformave të qeverisë, bazuar në fakte dhe shifra duke shtuar se tani më Shqipëria nuk ka asnjë hap për të humbur.

Duke krahasuar deklaratën e kryeministrit me qëndrimin e vitit të kaluar, duket se ai është më pak euforik. Më 17 prill të 2018-ës, Rama ishte krenar për vendimin me argumentin se “i dhamë Shqipërisë një staturë të re në arenën ndërkombëtare dhe dolëm nga një tjetër udhëkryq mes të shkuarës dhe të ardhmes”.

Edi Rama 2019: “Për ne kjo nuk është surprizë, por afirmim i faktit se i kemi bërë me përpikëri të gjitha detyrat e shtëpisë. Për këtë fakt, Komisioni Europian, që është mekanizmi më i besueshëm lidhur me vlerësimin ecurisë së një vend sot ka konfirmuar rekomandimin pozitiv pa kushte për çeljen e negociatave për në BE. Faktikisht verën e shkuar Shqipëria mori një rekomandim pa kushte dhe Këshilli Europian vendosi që në qershori e 2019 të zyrtarizojë çeljen e negociatave dhe në dhjetor të nis procesi me konferencën ndërqeveritare. Përsëri Komisioni ka konfirmuar progres dhe bazuar në fakte, në shifra në analiza dhe ka ri rekomanduar çeljen zyrtare të negociatave. Shqipëria de-fakto ka filluar procesin sreening, që është një proces që nis pas çeljes së negociatave, që nis zyrtarisht. Nga pikëpamja e procesit në vetvete, Shqipëria nuk ka humbur asnjë minutë. Ky vit, nga viti i shkuar ka qenë një vit pune intensive më Komisionin në aspektin e skanimit të të gjithë aspekteve të legjislacionit siç ndodh me të gjitha vendet që kanë çelur negociatat. Ky është hapi i parë, hapi i dytë konfirmues është Këshilli Europian. Dallimi është i qartë, në hapin e parë kriteret janë objektive, gjykimi është objektiv. Në hapin e dytë gjykimi është politik, në këtë kohë të mbetur ne do bëjmë gjithçka që të influencojmë gjykimin politik”, deklaroi sot Rama.

Edi Rama 2018: “Jam i emocionuar dhe ata që merren me frymëmarrjen mbase e ndjejnë, por jam edhe shumë krenar, sepse ja dolëm këtij provimi të vështirë. I dhamë Shqipërisë një staturë të re në arenën ndërkombëtare dhe dolëm nga një tjetër udhëkryq mes të shkuarës dhe të ardhmes. Rruga përtej udhëkryqit, sado e gjatë është e gjitha e hapur përpara nesh. Një falenderim për ata që kush më shumë e kush më pak, dhanë një dorë për të ndërtuar një pjesë të rrugës së vetme për shqiptarët, atë drejt BE-së. Europa nuk bën dhurata dhe Brukseli është një makineri e pamëshirshme që sheh dhe njeh vetëm meritat. Rekomandimi është njohja e meriatave tona në fushën e reformave dhe me luftë të vërtetë kundër armiqëve të shoqërisë dhe shtetit, krimit dhe korrupsionit”, deklaronte Rama më 17 prill 2018.

Vendimi i Ministrave të Jashtëm të BE-së do të merret në Qershor. Disa vende si Franca, Holanda dhe Belgjika kanë shfaqur rezerva për reformat e Shqipërisë, ndërkohë që ekziston frika që negociatat të hapen vetëm për Maqedoninë. Një vendim i tillë do të nënkuptonte se Shqipëria do të bëhej pjesë e grupit të Kosovës dhe Bosnjës e Hercegovinës.