Tridhjetenjë shtetas shqiptarë që kishin kërkuar azil në Francë dhe Belgjikë u riatdhesuan ditën e sotme në Shqipëri. Operacioni u krye në bashkëpunim mes Policisë Kufitare, Policisë franceze dhe belge.
Nga të rikthyerit, 27 shtetas kishin kërkuar azil në Francë, kurse 4 në Belgjikë. Ministria e Brendshme dhe Policia e Shtetit u bëjnë apel qytetarëve që të respektojnë rregullat e lëvizjes dhe të qëndrimit në hapësirën Schengen, ndërsa ritheksojnë se shanset për të fituar azil në vendet e BE-së janë zero.
Gjithashtu, Policia Kufitare ka forcuar masat në kontrollin e dokumentacionit në dalje në të gjitha pikat e kalimit si dhe ka shtuar patrullimet në kufirin e gjelbër. Në kufirin me Greqinë është duke u zhvilluar operacioni i përbashkët me FRONTEX.
Financuar Nga Bashkimi Europian
