Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Samir Mane tërhiqet nga kulla te ‘7 xhuxhat’, Shefqet Kastrati merr 100% të aksioneve

Politiko 31 Korrik 2018, 10:25

Sipërmarrësi Samir Mane, aksioneri i grupit më të madh në vend, Balfin, është tërhequr nga ndërtimi i kullës “Downtown Albania”, që ka filluar të ngrihet në kryeqytet, tek ish parku i lodrave për fëmijë “7 xhuxhat”.

BFI Invest, në pronësi të grupit Balfin ka shitur në fund të korrikut, tek grupi Kastrati, 50% të aksioneve, që ajo zotëronte në kompaninë Downtown1. Kjo e dundit ishte krijuar  në maj të vitit 2016, me aktivitet në “Investimin me qëllim zhvillimin, ndërtimin, administrimin dhe shitjen e një godine multifunksionale banimi dhe shërbimesh si një Projekt i Shoqërisë me vendndodhje tek: Blv. Bajram Curri në krah të European Trade Center (ETC), Tiranë”.

Fillimisht kompania kishte tre aksionerë BFI Invest, Kastrati sha dhe Diagonal Projektim & Zbatim shpk. Që në fillim Diagonal Projektim & Zbatim shpk, në pronësi të sipërmarrësit Nikolin Jaka e shiti kuotën e tij prej 30% të aksioneve ë mënyrë të barabartë tek Kastrati dhe Balfin, të cilët më pas u bënë aksionerë të kompanisë me nga 50% secili.

Ndonëse Balfin njoftoi në shtator 2017 nisjen e projektit të ndërtimit të Godinës Polifunksionale DTA – DownTown Albania, me një vlerë investimi prej 75 milionë euro, si një investim i përbashkët i Grupit Balfin dhe grupit Kastrati, në fillim të këtij viti, Balfin filloi të tërhiqej gradualisht nga projekti.

Sipërmarrësi i Balfin Samir Mane kishte deklaruar më herët për “Monitor”, i pyetur lidhur me këtë tërheqje të mundshme, se ai po e shqyrtonte fisibilitetin e këtij projekti dhe do të vendoste nëse  do të vijonte më tej me këtë investim apo jo, ndërsa tha se do të përqendrohej kryesisht tek investimet në bregdet. Tërheqja u finalizua vetëm ditët e fundit, teksa në 27 korrik, është depozituar në Qendrën Kombëtare të Biznesit kontrata për shitjen e 50% të aksioneve të BFI Invest te Kastrati sha. Kontrata në fakt rezulton që është nënshkruar që në shkurt të këtij viti, por ndryshimi zyrtar i aksionerëve është bërë vetëm tani.

Kastrati është një ndër grupet më të mëdha në vend, me aktivitet kryesor në tregtimin me shumicë e pakicë të karburantve, por vitet e fundit është diversifikuar edhe në sektorin e ndërtimit, krahas të tjerave.

Të fundit