Pesë pacientë që ishin të shtruar në Spitalin Infektiv duke u kuruar për koronavirus, tashmë kanë lënë shtretërit e këtij spitali pasi janë shëruar. Lajmin e dha Ministrja e Shëndetësisë Ogerta Manastirliu në Facebook, e cila njofton gjithashtu se në Shqipëri tashmë janë shëruar në total 52 pacientë.
“Pesë pacientë nga Tirana, Fieri dhe Kavaja kanë lënë sot spitalin infektiv të shëruar nga COVID-19. Mjekët thonë se dy prej tyre kanë qenë në gjendje të rënduar, por pas më shumë se 12 ditë trajtimi intensiv me medikamentet që sot përdoren për trajtimin e COVID-19 edhe në vendet e tjera të Botës, ja kanë dalë ta mundin sëmundjen dhe sot u kthyen në shtëpi. Deri tani 52 të shëruar nga COVID-19”, shkruan Manastirliu.
Shqipëria numëron gjithashtu 15 viktima për shkak të koronavirusit, ndërsa në total janë të konfirmuar pozitiv me koronavirus 243 persona.
Pesë pacientë nga Tirana, Fieri dhe Kavaja kanë lënë sot spitalin infektiv të shëruar nga 🤜#COVID-19🤛 Mjekët thonë se…
Gepostet von Ogerta Manastirliu am Dienstag, 31. März 2020
Financuar Nga Bashkimi Europian
