Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

KRYESORE

Soreca përshëndet miratimin e marrëveshjes së ‘5 qershorit’: Kusht kyç për pranimin në BE

Politiko 23 Korrik 2020, 16:51
Soreca përshëndet miratimin e marrëveshjes së ‘5

Luigi Soreca, Ambasadori i Bashkimit Europian në Shqipëri, ka përshëndetur miratimin në Kuvend të marrëveshjes së ‘5 qershorit’ për Reformën Zgjedhore.

Nëpërmjet një reagimi në ‘Twitter” Soreca ka bërë thirrje që palët të vazhdojnë dialogun sa i takon ndryshimeve shtesë, që sipas tij nuk duhet të dëmtojë frymën dhe rezultatet e marrëveshjes së '5 qershorit'.

"Ne nxisim të gjitha palët të vazhdojnë diskutimet në Këshillin Politik me të njëjtën frymë gjithëpërfshirëse dhe bashkëpunuese, të treguar gjatë miratimit të marrëveshjes politike të 5 qershorit", shkruan Soreca.

Ai gjithashtu është shprehur se marrëveshje përmbush një nga kushtet kryesore për të filluar negociatat e pranimit në BE.

"Kjo përmbush një nga kushtet kryesore për të filluar negociatat e pranimit në BE siç thuhet në konkluzionet e Këshillit më 25.3.2020. Dispozitat e reja legjislative do t’i japin Shqipërisë një kuadër zgjedhor me integritet dhe standarde transparence më të larta, bazuar në rekomandimet e OSBE/ODIHR-it", thekson ambasadori.

Reagimi i plotë:

“Bashkimi Evropian mirëpret miratimin e ndryshimeve në Kodin Zgjedhor nga Kuvendi i Shqipërisë, në përputhje me marrëveshjen politike të arritur në 5 qershor. Kjo përmbush një nga kushtet kryesore për të filluar negociatat e pranimit në BE siç thuhet në konkluzionet e Këshillit më 25.3.2020. Dispozitat e reja legjislative do t’i japin Shqipërisë një kuadër zgjedhor me integritet dhe standarde transparence më të larta, bazuar në rekomandimet e OSBE/ODIHR-it. Ne jemi në dijeni të propozimeve shtesë për reformën e sistemit zgjedhor. Ndërkohë që njohim rolin e Parlamentit në paraqitjen e ndryshimeve shtesë në lidhje me sistemin zgjedhor, ne nxisim të gjitha palët të vazhdojnë diskutimet në Këshillin Politik me të njëjtën frymë gjithëpërfshirëse dhe bashkëpunuese, të treguar gjatë miratimit të marrëveshjes politike të 5 qershorit. Procesi që çon në ndryshimet shtesë nuk duhet të dëmtojë frymën dhe rezultatet e marrëveshjes së 5 qershorit”, thuhet në mesazhin e Sorecës.

Të fundit