KRYESORE

Thirrjet e SHBA-BE për dialog, PS tërhiqet nga votimi i listave në 1 Tetor

Thirrjet e SHBA-BE për dialog, PS tërhiqet nga votimi i listave

Ndryshimet kushtetuese, aq shumë të debatuara, në Kodin Zgjedhor nuk do votohen këtë të enjte në Kuvend, ndonëse 1 tetori ishte vendosur afati i fundit për miratimin e ndryshimeve kushtetuese.

Burimet bëjnë me dije se po ashtu edhe Komisioni Parlamemtar i Ligjeve nuk do të ketë seancë për shqyrtimin e ndryshimeve të Kodit Zgjedhor.

Seanca e komisionit të Ligjeve ishte parashikuar nesër (e martë) për votimin nen për nen.

Kujtojmë se opozita e bashkuar dorëzoi së fundmi draftin në Këshillin Politik, ku kërkoi hapjen 100% të listave, ndërsa insiston mos ndryshimin e formulës së koalicioneve parazgjedhore.

Në këto kushte, palët politike do kenë më shumë kohë për arritjen e një konsensusi të përbashkët për ndryshimet kushtetuese.

Si duket, kjo tërheqje ka ardhur si reflektim pas thirrjeve të faktorit ndërkombëtar për dialog mes palëve në Këshillin Politik.

“PPE nxit heqjen dorë nga çdo ndryshim i njëanshëm i marrëveshjes konsensuale.

Ndryshimet e njëanëshme në këtë fazë, janë kundër rekomandimeve të OSBE / ODIHR si dhe kundër vendimit të Këshillit të BE për hapjen e negociatave të pranimit. EPP nxit heqjen dorë nga çdo ndryshim i njëanshëm dhe respektimin e marrëveshjes konsensuale sipas zotimeve”, thuhet në reagimin e Asamblesë Politike të Partisë Popullore Evropiane.

Më herët, reagoi edhe ambasada e SHBA e BE në Tiranë.

“5 qershori ishte gjithëpërfshirës dhe transparent dhe çdo palë që e ka nënshkruar duhet ti qëndrojë fjalës së dhënë.

Firma ime nuk është mbi atë letër. Ata që e firmosën kanë përgjegjësinë për të zbatuar 5 qershorin. 5 qershori të nderohet e nëse palët bien dakord përtej 5 qershorit, ne do ti mbëstesim. Po le të presim cfarë do të ndodhë“, deklaroi Yuri Kim nga Himara.

“Ne përsërisim qëndrimin tonë që marrëveshja e 5 qershorit, e cila ka zbatuar rekomandimet e OSBE/ODHIR mbi reformën zgjedhore, duhet të respektohet. Ne gjithashtu konfirmojmë rëndësinë që çdo propozim për ndryshime të mëtejshme në nenet e kodit zgjedhor shqiptar, të cilat tejkalojnë qëllimin e marrëveshjes së 5 qershorit, të diskutohet si duhet në kuadrin e Këshillit Politik në mënyrë bashkëpunuese dhe gjithëpërfshirëse përpara se të votohet në Parlament”, tha ambasadori i BE, Luigi Soreca.

Ditari politik

Të fundit