Flash News

Gjendet i pajetë 71-vjeçari nga Kamenica, ishte shpallur i humbur prej tre ditësh

Aksident tragjik në Autostradën “Ibrahim Rugova”, humb jetën një grua nga Fushë-Kruja

Drejtësia amniston Xhaçkën, Apeli i Posaçëm vendosë të mos hetojë ish-ministren

Berisha vlerëson raportin e OSBE: I kanë rrëzuar përtokë zgjedhjet

Gjykata e Lartë kthen për rigjykim ankimimin e Arbër Veliajt

KRYESORE

Tragjedia në Tiranë/ Nënë e bijë u vetëflijuan si besimtare të Jehovait, vajza kishte 5 muaj e vdekur në shtëpi; besonin në ringjallje

Politiko 2 Korrik 2020, 23:04
Tragjedia në Tiranë/ Nënë e bijë u vetëflijuan si

Detaje tronditëse janë zbardhur nga ngjarja që ka tronditur kryeqytetin. Nënë e bijë u vetëflijuan pasi ishin pjesë e një sekti fetar, ‘Dëshmitarët e Jehovait”, ndërsa policia i gjeti pajetë sot në banesë në zonën e Kombinatit.

Po ashtu, veç nënë e bijë, Zhaneta Josifi 56-vjeç dhe Anisa Josifi 30 vjeç, në gjendje të rëndë u gjet dhe vajza tjetër e familjes, Blerta Josifi 34 vjeçe.

Sipas policisë, se ato kishin marrë aktin e vetëflijimit duke mos u ushqyer për një kohë të gjatë, pasi besonin te ringjallja pas vdekjes.

Madje, vajzat ishin të arsimuara, por të papuna.

“Vëllai i viktimës ka njoftuar se nuk ka kontakt prej tre ditësh me motrën që nuk u përgjigjen në telefon. Është njoftuar zjarrfikësja. Kemi hyrë nga dritarja e tualetit të banesës. Sapo hymë në banesë konstatuam të zonjën e shtëpisë të vdekur, një nga vajzat në gjendje kritike dhe në një ambient tjetër në krevat është gjetur e mbuluar me batanije dhe me jorgan vajza tjetër 33 vjeçare pa shenja jete. U krijua grupi hetimor dhe po kryhen veprime në vendngjarje.

Kemi gjetur shënime të ndryshme me përmbajtje fetare, do bëhet ekspertimi i telefonave dhe i kompjuterëve në banesë.

Vajzat ishin të arsimuara, kanë mbaruar shkollën e lartë, por ishin të papunë. Në konstruktin e tyre shihet se ka shenja se nuk janë ushqyer ditët e fundit”, tha Drejtori i Policisë së Tiranës, Rebani Jaupi për mediat.

Nga ana tjetër, mësohet se vajza e pajetë e gjetur bashkë me të ëmën, vetëm pasi vëllai i kësaj të fundit denoncoi në komisariat se asnjëra prej tyre nuk përgjigjej në telefon dhe nuk hapnin derën, kishte rreth 5 muaj që kishte ndërruar jetë.

Madje, nëna dhe vajza tjetër, aktualisht në gjendje të rëndë e lyenin me disa vajra që të ngadalësonin procesin e dekompozimit si dhe për të parandaluar erën e trupit.

Të fundit