Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Tre rastet e bujshme, zhdukjet misterioze të dosjeve ‘top -sekret’ në Prokurorinë e Durrësit dhe Elbasanit

Politiko 24 Maj 2018, 15:45

Tre rastet e bujshme, zhdukjet misterioze të dosjeve ‘top

Në harkun kohorë të jo më shumë se 6 muajsh janë shënuar plot tre raste që në ambientet e Prokurorive zhduken materiale sekrete dhe të rëndësisë së veçantë.

Skandali është thelluar edhe më shumë me rastin më të fundit, në orët e vona të natës së mbrëmshme në Prokurorinë e Durrësit.

Materiale të rëndësishme janë zhdukur nga persona të paidentifikuar pa lënë gjurmë.

Mediat zbardhën shumë shpejt detaje të reja nga bastisja e zyrës në Prokurorinë e Durrësit. Zyra e grabitur është ajo e prokurorit Afrim Shehu, prokuror i Task Forcës.

Shehu së fundmi kishte në dorë dosjen e rëndësishme; atë të tjetërsimit të pronave në zonën e Ishmit, ku u arrestuan dhe katër ish-zyrtarë të shtetit, mes të cilëve dhe ish-kryetari i Komunës Ishëm.

Nuk dihet ende se çfarë dokumentesh i janë grabitur Shehut në zyrën e tij, por do të verifikohen pas bilancit që do bëhet.

Bastisja e parë

Kjo nuk është hera e parë që Prokuroria e Durrësit bastiset pa më të voglin problem.

Më 8 maj, dy persona ende të paidentifikuar sulmuan postierin pranë Prokurorisë së Rrethit Gjyqësor Durrës duke i marrë disa materiale që ai kishte tërhequr nga posta.

Postieri mësohet se ka qenë duke lëvizur në këmbë nga posta qendrore drejt prokurorisë së Durrësit që ndodhet rreth 100 metra me tutje në kohën kur është sulmuar pranë Sheshit "Pranvera".

Në media u përfol më pas se në çantën e postierit po transportoheshin materiale sekrete. Edhe pse ngjarja u bë e bujshme në media, ajo u venit dhe autorët nuk u zbuluan ende sot e kësaj dite.

Zhdukja e dosjeve në Prokurorinë e Elbasanit

E njëjta situatë alarmante ndodhi edhe në fillim të dhjetorit 2017. Tre dosje me materiale për hetimin e korrupsionit u zhduken nga Prokuroria e Elbasanit. Ajo që bëri denoncimin ishte Prokurorja Amanda Xhaferri, e cila kishte konstatuar që në zyrën e saj ishin marrë dokumente. Por policia nuk konstatoi dhunim të zyrës së prokurores dhe deklaroi se as dera dhe as dritarja nuk janë hapur forcërisht.

Në atë kohë policia nisi hetimin dhe referuan në Prokurorinë e Tiranës materialet për veprën penale “Shpërdorim detyre” dhe “zhdukje ose humbje e fashikullit”.

Në njoftimin e policisë mësohet se fashikujt e zhdukur ishin materiale të task forcës për hetimin e korrupsionit. Nga ana tjetër, prokuroria, e mohoi vazhdimisht.

Denoncimi te Berisha

Ish-kryeministri Sali Berisha nuk qëndroi i heshtur përballë kësaj ngjarje. Në faqen e tij të ‘Facebook’-ut i vjen një denoncim nga një oficer dixhital, ku ky i fundit publikon disa të dhëna rreth skandalit me dosjen në Prokurorinë e Elbasanit. Oficeri i policisë shkruan se, pas zhdukjes së 3 fashikujve në dosjen me rëndësi fshihen kryeministri Rama, ndërsa tregon se kush fshihet pas tre dosjeve të bujshme që janë zhdukur në Elbasan. Ai shton se, Rama ka urdhëruar drejtorët e Policisë, Haki Çako dhe Altin Qato, për të marrë këto fashikuj. Dje, prokurorja e Elbasanit, Armanda Xhaferri denoncoi faktin se, në zyrën e saj mungonin tre fashikuj të një dosje të rëndësishme dhe me impakt të lartë publik.

Denoncimi:

“Një fitore tjetër e madhe e Noriegës dhe narko-shtetit të tij! Lexoni denoncimin e oficerit dixhital! Ja çfarë thuhet në denoncimin e publikuar nga Berisha: “Përshëndetje doktor jam një oficer policie desha të ju njoftoj se vjedhja dosjeve të bandave të pushtetit në Prokurorinë e Elbasanit këtu flitet gjerësisht se është urdhëruar nga lart fare. Për këtë akt të pashembullt janë ngarkuar, thuhet nga vet Rama, drejtorët Çako dhe Qato, natyrisht janë keqpërdorë në krim nga policia edhe punonjës të Prokurorisë. Vjedhja e dosjeve është bërë sipas një skenari të përgatitur me kujdes për zhdukjen e gjurmëve. Qato, i cili vetë është kokë e këmbë i lidhur me aferën Tahiri-Sota, zhdukjen e miliona eurove por edhe e Vip pasagjerit të Orestit është marrë direkt me operacionin. Ky është Narkoshteti. Disa muaj më parë nga kasaforta me sekrete e Ministrisë së Brendshme u vodhën 12 raportet me sekrete të kësaj ministrie, tani vidhen tre dosjet kryesore të operacionit forca e le..( më falni për shprehjen).Ky është Mnm n m mbn mb mb mnarkoshteti i Noriegës!”/Politiko.al/