Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

U bën simbol i saj, Qeveria kërkon të ndalojë me ligj koncesionet e pakërkuara

Politiko 22 Janar 2019, 12:47
U bën simbol i saj, Qeveria kërkon të ndalojë me ligj

Koncesionet e pakërkuara, vlera e të cilave është mbi 1 miliard euro, u kthyen në simbol të Qeverisë së drejtuar nga Edi Rama. Këto koncesione janë kritikuar nga opozita dhe nga institucionet ndërkombëtare, pasi eleminojnë garën nëpërmjet kompanive duke e kthyer atë në formalitet.

E megjithatë, duket se kryeministri Rama po tërhiqet nga kjo praktikë sepse në Kuvend është depozituar nga Ministria e Financave një projektligj që i heq Qeverisë të drejtën ligjore për të pranuar “koncesionet e pakërkuara”.

“Ky projektligj përcakton shprehimisht që pas datës 1 korrik 2019 nuk do të jetë më e mundur të propozohen nga sektori privat projekte koncesioni/PPP, në formën e propozimit të pakërkuar për ndërtimin, operimin, mirëmbajtjen dhe rehabilitimin e rrugëve nacionale me rëndësi të veçantë”,raporton BIRN.

“Referuar rekomandimeve të institucioneve të ndryshme ndërkombëtare, si FMN, Banka Botërore, SIGMA-OECD dhe duke marrë shkas se tendenca e shteteve ndërkombëtare gjatë viteve të fundit është ajo e reduktimit të propozimeve të pakërkuara kemi propozuar kufizimin e së drejtës së identifikimit e të zhvillimit të propozimeve të projekteve të koncesionit/PPP, nëpërmjet propozimeve të pakërkuara nga sektori privat,” thuhet në relacion.

Të fundit