Vokshi: Rama-Veliaj sulmojnë Bashën sepse nëse ka zgjedhje të lira, ai bëhet kryeministër

Ish deputetja e PD, Albana Vokshi, akuzoi kryeministrin Edi rama dhe kryebashkiakun Tiranës, Erion Veliaj, se ata nuk kanë asnjë argument tjetër përveçse të sulmojnë personalisht liderin e demokratëve, Lulzim Basha.

Në një status në profilin saj në Facebook, ajo shkroi se “paradite mbush vendin me gënjeshtra Edi i papërgjegjshmi, pasdite ndot Tiranën me të pavërteta Erjon mashtruesi”.

Statusi

Edi Rama dhe Erion Veliaj po sillen si fantazma politike, njëri nëpër Shqipëri, tjetri nëpër Tiranë, duke patur vetëm një alternativë për qytetarët: sulmin e shfrenuar kundër liderit të opozitës.

Paradite mbush vendin me gënjeshtra Edi i papërgjegjshmi, pasdite ndot Tiranën me të pavërteta Erjon mashtruesi.

Asnjëri nuk ka asnjë plan për të përmirësuar jetën e qytetarëve. Rëndësi ka që të sulmojnë Lulzim Bashën, sepse vetë sondazhet e tyre, tregojnë se, nëse në Shqipëri do të mbahen sot zgjedhje të lira e të ndershme, Lulzim Basha është kryeministër.

Per të fshehur milionat nga taksat tona që njëri ia jep baxhanakut si kryeministër, tjetri ia jep të vëllait të tij si kryebashkiak, kampionët europianë të korrupsionit Rama dhe Veliaj, duan që, me sulme të pavërteta personale dhe familjare, me propagandë mjerane kundër Lulzim Bashës, të bëjnë që shqiptarëve t’u duken të gjithë politikanët njësoj.

Ne nuk jemi njësoj. Edi Rama është mik dhe ortak i kriminelëve, ndërsa Erion Veliaj e ndihmon pushtetin e krimit të pastrojë paratë e pista në kullat, me të cilat ka betonizuar Tiranën. Ne jemi ata që e kemi denoncuar të parët këtë pakt kriminal, e kemi luftuar edhe të vetëm ketë luftë dhe, tani, bashkë me shumicën e shqiptarëve të ndershëm, jemi në betejën finale për ta zhbërë paktin me krimin, themeli i pushtetit Rama-Veliaj.

Megjithatë, jo më kot thonë se çdo e keqe e ka një të mirë. Ky proces I çmendur kriminal dhe monist po bën edhe më të dallueshëm për shqiptarët llumin që ka mbuluar PS!