Zbardhen detaje të reja nga ngjarja që tronditi mëngjesin e sotëm qytetin e Kavajës.
Një person mbeti i vdekur me armë zjarri, kurse një tjetër u plagos.
Sipas policisë, viktima Dritan Haxholli kishte shkuar i armatosur në mesnatë në banesën e ish të dashurës M. Q për t’u sqaruar, pasi nuk e pranonte ndarjen mes tyre.
Në banesën e vajzës në lagjen nr. 2 ndodhej edhe Bledar Toci , punonjës i policisë së burgjeve.
Ish i dashuri i vajzës ka nisur të debatojë fillimisht me policin e burgjeve dhe më pas e ka qëlluar me armë zjarri. Në kushtet e vetëmbrojtjes, polici është përgjigjur me armën e shërbimit, duke e lënë Haxhollin të vdekur në vend.
Aktualisht, polici i burgjeve ndodhet në spitalin e Traumës dhe ndodhet jashtë rrezikut për jetën.
Policia ka marrë në pyetje vajzën dhe po punon për zbardhjen e ngjarjes.
Njoftimi paraprak:
Rreth orës 00.40, në Lagjen nr. 2 Kavajë, shtetasi D. H., banues në Kavajë, ka hyrë në banesën e shtetases M. Q. Në banesë ndodhej dhe shtetasi B. T, banues në Kavajë, punonjës i Policisë së Burgjeve.
Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë. Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje.
Shtetasi B.T., ndodhet jashtë rrezikut për jetën.
Grupi hetimor po vijon punën për sqarimin e mëtejshëm të rrethanave të ngjarjes
Discussion about this post