Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

"Zgjedhorja"/ Ruçi takim me deputetët e opozitës së re: Respektojmë plotësisht të drejtat tuaja, formuloni konkretisht propozimet

Politiko 17 Qershor 2020, 13:23
"Zgjedhorja"/ Ruçi takim me deputetët e opozitës

Kryetari i Kuvendit, Gramoz Ruçi ka zhvilluar një takim gjatë ditës së sotme me përfaqësues të opozitës parlamentare për të diskutuar mbi Reformën Zgjedhore. Pjesë e takimit ishin deputetët Krenar Rryçi, Kujtim Gjuzi, Selami Jenishehri, Vasil Steriovski dhe Zef Shtjefni, ndërsa kjo tryezë u mbajt me kërkesë të opozitës parlamentare.

Deputetët i paraqitën Kreut të legjislativit kërkesat e tyre për përfshirjen në reformën zgjedhore të sistemit proporcional kombëtar, listave të hapura, heqjen e pragut elektoral, votimin e emigrantëve, identifikimin biometrik të votuesve, ndalimin e financimit të partive në fushatat zgjedhore nga buxheti i shtetit etj.

Ndërkaq, Ruçi u kërkoi deputetëve opozitarë formulimin e propozimeve të tyre në një draft konkret për nismat ligjore dhe më pas ato do të diskutohen në Komisionin e Posaçëm të Reformës Zgjedhore, në komisionet e Kuvendit dhe në seancë plenare.

Sipas kreut të Kuvendit, procedurat parlamentare që do të ndiqen do të respektojnë plotësisht të drejtën e secilit deputet për të propozuar, diskutuar, shqyrtuar, votuar ose kundërshtuar nismat ligjore që paraqiten në Kuvend, duke mos i cenuar ata.

Të fundit