Flash News

Në zbatim të masës "detyrim paraqitje", Berisha mbërrin në SPAK

Rama nuk i ndahet Vlorës, sërish vizitë në bashki

Konispol/ Hyri për t'i vjedhur shtëpinë, pronari qëllon me çifte 44-vjeçarin (EMRI)

Video/ Kodrat e Dukatit përfshihen nga flakët, zjarri përhapet me shpejtësi mbi fshat

Tragjedi në Teksas: 59 të vdekur dhe 27 vajza ende të zhdukura pas përmbytjeve shkatërruese

KRYESORE

10 detyrat e Qeverisë tranzitore; shpaloset propozimi i PD-së dhe aleatëve për zgjidhjen e krizës

Politiko 2 Maj 2019, 12:19

Partia Demokratike dhe partitë aleate kanë shpalosur sot propozimin për zgjidhjen e krizës politike ku ndodhet vendi. Opozita ka vendosur kusht largimin e Edi Ramës nga posti i kryeministrit, për të hyrë në zgjedhje me një Qeveri tranzitore.

Sot, në Tiranë është janë shpalosur detyrat që, sipas opozitës, duhet të ketë kjo Qeveri tranzitore, ku Rama nuk mund të jetë kryeministër. Ato janë përmbledhur në 10 pika:

  1. Goditje me tolerancë zero e strukturave politike dhe kriminale të përfshira në shitblerjen e votës, intimidimin e votuesve dhe manipulimin e zgjedhjeve.

  2. Ndalim i presionit qeveritar mbi drejtësinë për t’i hapur rrugë hetimit të bashkëpunimit mes krimit të organizuar dhe pushtetarëve për manipulimin e zgjedhjeve.

  3. Monitorim i rreptë dhe goditje me tolerancë zero ndaj presionit mbi administratën publike dhe zgjedhësit.

  4. Ndalim i prokurimeve, tenderave, koncesioneve\PPP-ve, licensave, favoreve dhe abuzimeve të tjera me burimet shtetërore.

  5. Kontroll dhe marrje masash për emërimet dhe shkarkimet e paligjshme nga administrata publike dhe kompanitë shtetërore, si dhe për ndryshimet e paligjshme në listat e ndihmës ekonomike, personave me aftësi të kufizuar etj.

  6. Pajisje e shtetasve me letërnjoftime, skema lehtësuese dhe hetim penal i fallsifikimeve të letërnjoftimeve.

  7. Regjistrim i adresave të të gjithë shtetasve dhe hartim me integritet i listave të zgjedhësve.

  8. Hetim dhe ndëshkim me tolerancë zero i votimit fiktiv të emigrantëve.

  9. Shkëputje e lidhjes së policisë me krimin, goditje e policëve të inkriminuar, angazhim i policisë kundër krimit zgjedhor dhe garantim i sigurisë në zgjedhje.

  10. Raportim me transparencë i veprimtarisë ligjzbatuese dhe akses i besueshëm për opozitën.

Ish-deputeti Oerd Bylykbashi deklaroi gjatë shpalosjes së platformës se Edi Rama ka patur gjashtë vite në dispozicion për të realizuar këto kërkesa, por ka dështuar. Edhe kryeopozitari Lulzim Basha theksoi se Qeveria kryeministrit Edi Rama nuk ka ardhur në pushtet nëpërmjet zgjedhjeve të lira, por nëpërmjet bashkëpunimit me krimit. Kreu i PD-së e konsideroi fatkeqësi për qytetarët shkatërrimin e procesit zgjedhor.

Më tej, janë sqaruar në detaje 10 detyrat e Qeverisë tranzitore, që, sipas Bashës, garantojnë një proces zgjedhor të drejtë dhe të barabartë për qytetarët.

Të fundit