Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

10-vjetori i vdekjes, përkujtohet At Zef Pllumi. Botohen 8 vepra të plota

Politiko 18 Shtator 2017, 13:10

10-vjetori i vdekjes, përkujtohet At Zef Pllumi. Botohen 8 vepra të

Kanë kaluar 10 vjet që nga dita kur u nda nga jeta një prej figurave më të më shquara të kulturës dhe fesë, At Zef Pllumi. Në përkujtim të 10 vjetorit të ndarjes nga jeta sot u prezantuan për herë të parë 8 botime të plota, përfshirë edhe librin e tij të famshëm “Rrno vetem për me tregue” në aktivitetin shkencor të organizuar në Shkodër. Provinca françeskane ku frati shërbeu gjithë jetën e tij kishte menduar që përmes miqve, bashkëpunëtorëve të padër Zefit dhe studiuesve e shkrimtarëve të botonte edhe disa shkrime të pa publikuara më parë.

At’Aurel Gjerkaj, i cili i qëndroi pranë At’Zef Pllumit deri në momentet e fundit të ndarjes nga jeta, tha se vlerësimi më i madh që mund t’i bëjmë sot atij, është të dimë të jemi shenjë drite në një shoqëri që ka shumë terr.

At’Aurel Gjerkaj: “Është minimumi që mund të bëjmë, të botojmë veprën e plotë të tij. Është minimumi që mund të bëjmë, të kujtojmë dashurinë, forcën me të cilën padër Zefi i mbrojti gjithmonë bindjet e veta.”

Për drejtoreshën e Bibliotekës Kombëtare, Persida Asllani, At’Zef Pllumbi nuk e ndjente veten mirë pa u botuar të plota veprat e françeskanëve, ku mes të tjerash ka meritën e jashtëzakonshme për veprën e At’Gjergj Fishtës.

“At Zef Pllum dëshironte të sillte botimet françeskane dhe unë ende e re i thoja që bërë të bërë këtë që thua ti do të duhen edhe 10 vite. Ende e kujtoj sot fjalinë e tij: ‘E çka janë 10 vjet!”, tha Persida Asllani.

“Unë gjithë jetën e kam kaluar në burg, por mendimtar i lirë. Ta mendojmë vehten zogj të lirë e të fluturojmë ku të duam” ishte një nga mesazhet që at Zef Pllumi e shpërndante vazhdimisht.

At Zef Pllumi u lind më 7 prill 1924 në Malin e Rencit në rrethin e Lezhës. Që në moshën e vogël hyri në Kolegjin Françeskan në Shkodër dhe ndoqi mësimet fillore e të mesme në Liceun "Yllyricum". Në 1946 At Zef Pllumi ishte ndër klerikët që u dënua nga regjimi i asaj kohe. Në vitin 1990 u kthye në Tiranë si klerik ku përveç aktivitetit, përpiqet t'i vëjë arna kulturës dhe edukimit shqiptar aq të dëmtuar gjatë pesëdhjetë vjetëve. Nga viti 1993 deri 1997 rinxjerr revistën Hylli i Dritës, e cila pas një ndërprerjeje deri në vitin 2003. Ai shkruan dhe boton trilogjinë “Rrno vetëm për me tregue”, vëllimet Françeskanët e mëdhenj, Frati i pashallarëve Bushatli, Erazmo Balneo, ndërkohë, me gjithë moshën e thyer e vështirësitë e shikimit, i ndihmuar nga nxënësit e vet, po punon për libra të tjerë. Një ndër nismat e tij me vlerë të pamasë është dhe ribotimi i kolanës së plotë të veprave të etërve françeskanë, të zhdukura barbarisht nga qarkullimi dhe nga raftet e bibliotekave, si dhe ka shkruar artikuj në mjaft organe të shtypit shqiptar. Shkrimtari i njohur At Zef Pllumbi është dekoruar me çmimin “Nderi i Kombit” dhe nga Konkursi i Shkrimtarve me çmimin “Penda e Arte”.