Flash News

I biri plagosi me thikë të miturin, nëna e 14-vjeçarit: Në shtëpi erdhi me policinë

Protesta e PD/ Efektivë policie në terren, vendoset gardh metalik

Sherr mes adoleshentëve në Maliq, plagoste me thikë 15-vjeçari

Presidenti i KE nga Tirana: Rendi botëror po minohet, siguria e Ukrainës është siguri e BE

U arrestua për masakrën e Dobraçit, GJKKO liron nga qelia Xhuljo Vuksanin

KRYESORE

16 shkurti/ Edi Rama ‘hedh’ Sandër Lleshajn në mes të turmës: Është punë e policisë që të reagojë

Politiko 14 Shkurt 2019, 21:22
16 shkurti/ Edi Rama ‘hedh’ Sandër Lleshajn në mes të

Kryeministri Edi Rama ka vënë që sot përpara përgjegjësisë ministrin e Brendshëm, Sandër Lleshaj, për protestën e opozitës që do të organizohet më 16 shkurt në Tiranë. I pyetur në emisionin ‘Real Story’ në Vizion PLus, për reagimin e Qeverisë nëse situata në protestë tensionohet dhe përfundon në akte dhune, Rama theksoi se reagimi është punë e Policisë së Shtetit, e cila duhet të respektojë ligjin.

“Mendoj se policia i ka kapacitetet dhe është punë e policisë kjo. Këto janë protesta kastash që nuk çojnë asgjëkundi. Qeveria nuk reagon, reagon policia. Nuk  është detyrë e Qeverisë të reagojë, është punë e Policisë së Shtetit. Mendoj se ka një ligj, policia duhet të respektojë ligjin dhe njerëzit duhet të respektojnë ligjin”, u shpreh Rama.

Duke qenë se në media është raportuar për një numër të madh njerëzish që do i bashkohen protestës ditën e shtunë, kryeministri Rama u mundua të nënvlerësojë pjesëmarrjen.

“Për një parti politike nuk është e vështirë të motivojë një numër njerëzish për të dalë në protestë. Por nuk është numri i njerëzve që dalin në rrugë për të matur mbështetjen. Ka parti që mbushin sheshet, por nuk mbushin dot kutitë e votimeve. Jemi përballë njerëzve që janë të dëshpëruar dhe thonë që nuk i fitojmë dot zgjedhjet dhe duhet të gjejmë mënyrë tjetër”, deklaroi Rama.

Sipas Ramës, sondazhet tregojnë se opozita nuk ka mbështetje te populli, ndërkohë që mbështetja për Qeverinë ndryshon në varësi të punës.

“Nëse votohet ditën e dielë, ne fitojmë më shumë deputetë, ata marrin më pak deputetë”, tha Rama.

Të fundit