Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

20 familje shqiptare humbasin gjithçka në katastrofën e Hjustonit, ambasadorja e Shqipërisë: Kujdes, nuk rrezikoheni vetëm nga uji

Politiko 30 Gusht 2017, 08:35
20 familje shqiptare humbasin gjithçka në katastrofën e

Janë të paktën 20 familje shqiptare që jetojnë në Hjuston të Teksasit, të cilat kanë humbur gjithçka si pasojë e furtunës që ka përfshirë vendin. Ambasadorja shqiptare në Uashington, Floreta Faber i ka bërë thirrje komunitetit shqiptar në këtë shtet që të qëndrojë i bashkuar dhe të ndihmojnë njëri-tjetrin.

Ajo kërkon të tregohet kujdes edhe për shkak të rritjes së kriminalitetit në zonat e përmbytura, ndërsa ka vënë në dispozicion të gjitha numrat e ambasadës.

Reagimi:

Hjustoni sot është i gjithi i përmbytur! Rreziku i furtunës nuk ka kaluar ende. Komuniteti shqiptar atje, megjithëse relativisht i vogël në numër, përbëhet nga 500-600 familje.

E prekur thellësisht për sa kam ndjekur përditësimin e ngjarjeve, ju drejtohem të gjithëve bashkëkombasve të mi, ju që po vuani pasojat e natyrës bashkë me të gjithë pjesën tjetër të popullsisë amerikane që jeton dhe punon në Hjuston dhe rrethinat e tij.

Nga kontaktet me autoritetet kemi mësuar se deri tani nuk ka patur fatalitete ndërmjet familjeve shqiptare. Kam kontaktuar me drejtuesit e organizatës Arberia Houston dhe jam informuar se janë të paktën 20 familje shqiptare të prekura totalisht nga kjo fatkeqësi natyrore duke iu rrembyer shtëpitë, makinat, dhe të gjithë pasurinë që ato kanë.

Së pari, shpresoj thellësisht që të gjithë të mbeteni jashte rrezikut për jetën! Qyteti i Hjustonit është akoma nën kërcënimin e faktorëve të natyrës, por edhe nën gjëndje emergjence për arsye të rritjes së kriminalitetit në qytet.

Ju inkurajoj të bëni atë që shqiptarët bëjnë më mirë, të qëndroni sa më afër dhe ndihmoni njëri-tjetrin. Mos u ndjeni se jeni larg vendit, të afërmve apo miqve tuaj. Ju siguroj që vëmendja jonë është atje në Hjuston!

Kontaktet e Ambasadës në Uashington 202.223.4942, embassy.ë[email protected] dhe numri i emergjencës 202.758.9526 janë të hapura për cdo informacion apo për t’u lidhur me familjarët tuaj. Do ju vëmë në dispozicion të gjitha sa ne kemi mundësi.

Jemi me mendje dhe me zemër bashkë me Ju!

Floreta Faber

Ambasadore e RSH në Shtetet e Bashkuara

Të fundit