Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“20 milionë euro për 4 kilometra rrugë”, PD denoncon rastin e aksit Korçë-Ersekë

Politiko 1 Tetor 2020, 14:05

“20 milionë euro për 4 kilometra rrugë”, PD denoncon

Partia Demokratike ka denoncuar ditën e sotme vjedhjen që po bëhet me pesëfishimin e kostos për rrugën Korçë-Ersekë.

Në një deklaratë për mediat sekretari i burimve njerëzore, Evrin Minarolli është shpreur se në aksin Korçë-Ersekë 1 kilometër rrugë do të ndërtohet me 5 milionë euro, e kësisoj për 4 kilometra janë planifikuar të shpenzohen 20 milionë euro.

“Në rrugën Korçë-Ersekë vjedhja është e tmerrshme. Do të ndërtojnë 1 kilometër me 5 milionë euro kosto. Edi Rama ka planifikuar që për vetem 4 kilometra të shpenzojë 20 milionë euro”, shtoi ai.

Sipas tij, ky tender i është premtuar mikut të Edi Ramës, Ndue Kola që të përjashtojnë nga gara kompanitë e huaja, dhe fitimet t’i ndajnë bashkë.

“Tenderi është i paracaktuar për mikun e Edi Ramës, Ndue Kola. Vetëm për 1 euro, tenderi nuk e kalon kufirin e tenderit ndërkombëtar, me qëllim që të përjashtohen nga gara kompanitë e huaja dhe fituesi, me të cilin ndajnë bashkë paratë e vjedhura, të jetë i sigurtë”, vazhdoi më tej Minarolli.

Minarolli gjithashtu thekson se të njëjtin fat kishte edhe rruga e Arbrit, Unaza e Re, dhe aksi Milot-Fier.

Deklarata e plotë:

Vjedhja e re me rrugët, pesëfishim i kostos për 4 km rrugë Korçë – Ersekë.

Ervin Minarolli: 20 milionë euro për 4 kilometra ka fitues të parcaktuar mikun e Edi Ramës.

DEKLARATË E PARTISË DEMOKRATIKE, SEKRETARI I BURIMEVE NJERËZORE, ERVIN MINAROLLI

Vjedhja me rrugët është një nga aktet më të rënda, për të cilat do të mbahet mend keqeverisja e Edi Ramës.

Nuk ka në Shqipëri qoftë edhe 1 kilometër rrugë, ku këta të mos kenë vjedhur miliona euro.

I shumëfishojnë kostot, që të mbushin xhepat e tyre. Kështu ndodhi me Rrugën e Arbrit, kështu tek Unaza e Re, kështu me Milot-Fier, kështu po bëjnë tani me vetëm 4 kilometra të rrugës Korçë Ersekë. Nuk bëjnë asgjë pa siguruar rritjen articolae të kostove, që pjesa ku do të vjedhin, të jetë sa më e lartë.

Në rrugën Korçë-Ersekë vjedhja është e tmerrshme. Do të ndërtojnë 1 kilometër me 5 milionë euro kosto. Është kosto 5 herë më e lartë sesa segmentet e tjerë të së njëjtës rrugë.

Edi Rama ka planifikuar që për vetem 4 kilometra të shpenzojë 20 milionë euro. Me të njëjtën kosto, në të njëjtën rrugë, janë ndërtuar që nga viti 2012 rreth 18 kilometra, me rreth 15 milionë euro. Pra, ne e projektuam me më pak se 1 milionë euro për kilometër, këta, në muajt e fundit të qeverisjes po ndërtojnë me kosto 5 fish më të lartë, që vjedhja dhe pasurimi i paligjshëm të jetë sa më i lartë.

Ka 8 vjet që e zvarrit rrugën, e ka bërë legjendë me premtimet e pamabjtura dhe tani që erdhën zgjedhjet, janë turrur të vjedhin çdo gjë.

Tenderi është i paracaktuar për mikun e Edi Ramës, Ndue Kola. Vetëm për 1 euro, tenderi nuk e kalon kufirin e tenderit ndërkombëtar, me qëllim që të përjashtohen nga gara kompanitë e huaja dhe fituesi, me të cilin ndajnë bashkë paratë e vjedhura, të jetë i sigurtë.

Sipas standardit të Bankës Botërore një rrugë e tillë, kategoria C, nuk kushton më shumë se 1 milionë euro për 1 kilometër, por babëzia për plaçkitjen e fondeve publike e ka pesëfishuar koston.

Partia Demokratike e ka bërë të qartë për çdo kompani që bashkëpunon me qeberinë në vjedhjen e qyteyarëve gjatë këtyre muajve të fundit të qeverisë Ata do të mbahen njësoj përgjegjës si ortaku i tyre në krim, kryeministri në ikje Edi Rama.