Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

20 shkurti i rrëzimit të bustit, Pollo: Liria fitohet e mbahet me luftë, kjo vlen edhe për shtetin ligjor

Politiko 20 Shkurt 2020, 10:51
20 shkurti i rrëzimit të bustit, Pollo: Liria fitohet e mbahet me

Ish-deputeti i Partisë Demokratike, Genc Pollo ka kujtuar 20 shkurtin e 29 viteve më parë, kur u rrëzua busti i ish diktatorit Enver Hoxha.

Sipas Pollos triumfi i të Mirës ndaj të Keqes nuk është akt përfundimtar por një luftë e përhershme që bëhet përditë. Ai shton se liria fitohet, mbahet e zhvillohet përditë me luftë, ndërsa kjo vlen edhe për shtetin ligjor, të drejtat e njeriut e demokracinë.

“Gati tre dekada kanë kaluar që nga rrëzimi i statujës mbidimensionale të Enver Hoxhës. Atë ditë për popullin pjesëmarrës në akt apo spektator në distancë ky ishte një akt çlirues. Në vijim rrëzimi i statujës ruajti në psikën kolektive të shqiptarëve simbolikën e fuqishme të akteve të ngjashme ku triumfon e Mira ndaj të Keqes. Si p.sh. mundja e Goliatit nga Davidi.

Por përtej euforisë së momentit kjo simbolikë si dhe përvjetori i ngjarjes na ndihmon të kuptojmë që ashtu si triumfi i të Mirës ndaj të Keqes nuk është akt përfundimtar por një luftë e përhershme që bëhet përditë edhe me gjëra të vogla po ashtu edhe liria fitohet, mbahet e zhvillohet përditë me luftë e përpjekje të vazhdueshme; jo gjithmonë heroike, shpesh prozaike.

Kjo vlen edhe për shtetin ligjor, të drejtat e njeriut e demokracinë. Sidomos sot me kur po përballemi me rilindjen e regjimit”, shkruan Pollo.

Të fundit