Flash News

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Tri mënyra të mirëprovuara për të demontuar një autokrat

Trafikimi i qenieve njerëzore/ Zbulohen 4 laboratorë me pasaporta shqiptare të falsifikuara në Greqi

KRYESORE

“21 janari ditë pushimi”, debat te ‘Ligjet’: Rëndon buxhetin e shtetit

Politiko 31 Tetor 2019, 11:31
“21 janari ditë pushimi”, debat te ‘Ligjet’:

Opozita parlamentare ka kërkuar që 21 janari, festa e Kongresit të Lushnjes të shpallet ditë pushimi kombëtar.

Ka qenë deputeti Myslym Murrizi ai i cili në mbledhjen e Komisionit të Ligjeve kërkoi që kjo ditë të renditet në kalendarin e festave zyrtare, pasi sipas tij është më e rëndësishme se çdo festë tjetër, madje sipas tij edhe se 28 nëntori.

Megjithatë, deputeti i PS, Alket Hyseni e ka kundërshtuar këtë propozim, pasi sipas tij, një ditë feste më shumë rëndon buxhetin e shtetit.

“Një festë zyrtare konsiderohet ditë pushime për administratën, institucionet arsimore, shëndetësore etj. Kjo shoqërohet me efekte të mëdha financiare në respektim të kodit të punës, kurse ata që duhet të punojnë duhet paguhen ekstra 50% plus. Cilësimi festë zyrtare do të thotë të ndalosh punën në institucione, pavarësisht rëndësisë historike dhe dëshirave, por rëndon tej mase buxhetin e shtetit.

Madje, unë kam dëshirë të jetë Lidhja e Lezhës, koncepti i bashkimit të shqiptarëve, si festë zyrtare, por kemi mundësi të kufizuar buxhetore”, tha deputeti i PS.

Në fund të diskutimi, komisioni e ka shtyrë miratimin në parim të këtij projektligji.

Kongresi i Lushnjës mori vendime të rëndësishme politike. Ai hodhi poshtë planet e Konfencës së Paqes në Paris dhe u shpreh për mbrojtjen me çdo kusht të tërësisë dhe të pavarësisë së plotë të shtetit shqiptar në kufijtë e vendosur nga Konferenca e Ambasadorëve në Londër në vitin 1913.

Të fundit