Flash News

I shpallur në kërkim për vjedhje, arrestohet 26-vjeçari në Durrës

Salianji paraqitet te Shërbimi i Provës pas lirimit me kusht: Betejën ligjore do e vazhdoj në Strasburg

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

KRYESORE

"29 mijë urgjenca kirurgjikale te Trauma që nga fillimi i pandemisë", Spahia akuza Manastirliut: Lëshon budallallëqe të nivelit olimpik

Politiko 16 Shtator 2020, 18:40
"29 mijë urgjenca kirurgjikale te Trauma që nga fillimi i

Ish-deputeti demokrat, Bardh Spahia, ka akuzuar Ministren e Shëndetësisë, Ogerta manastirliu për mashtrim, pas mesazhit të saj se “që nga fillimi i pandemisë deri më tani janë kryer 29 mijë urgjenca kirurgjikale te Spitali i Traumës.”

Përmes një mesazhi në rrjetet sociale, Spahia shkruan se Manastirliu lëshon budallallëqe të nivelit olimpik, pasi nëse kjo shifër që pretendon ministrja është e vërtetë, në 6 muaj të epidemisë, i bie të jenë bërë 4833 ndërhyrje në muaj.

“Ose injoranca është edhe më e madhe, nga sa mund ta imagjinojmë, ose pastaj mashtrimi është kthyer në mënyrë jetese e nuk njeh më asnjë kufi, as njerëzor e as llogjik!”, thekson ndër të tjera Spahia.

Reagimi i plotë i Bardh Spahisë:

OGERTA DHE ARITMETIKA E MASHTRIMIT!!!

Cuditë nga ministrja e shëndetësisë nuk kanë të mbaruar! As nuk merr vesh nga kjo fushë, por as përpiqet ta kuptojë sado pak dhe lëshon budallallëqe të nivelit olimpik, si mburrja se në Spitalin e Traumës qenkan bërë prej fillimit të epidemisë 29 mijë urgjenca kirurgjikale!!!!

Mesa duket ministrja është po aq e paditur edhe në aritmetikë, sepse ajo shifër tejkalon cdo imagjinatë. Së pari është aritmetikë e thjeshtë. 29 mijë ndërhyrjet që pretendon Ogerta, nëse pjesëtohen me 6 muaj të epidemisë, del shifra 4833 (ndërhyrje në muaj). Po ta pjesëtosh në 30 ditë që ka muaji, i bie që sipas Ogertës, në Spitalin e Traumës të jenë bërë 161 ndërhyrje kirurgjikale në ditë!!!! Dhe kjo edhe në kushtet, kur ndryshe nga sa e fsheh apo nuk e di Ogerta, prej datës 18 Maj deri në 13 Korrik, kirurgjia e QSUT ka qenë krejtësisht funksionale, pra ndërhyrjet kirurgjikale nuk kanë qenë ekskluzivitet i spitalit të Traumës!!!!

Ose injoranca është edhe më e madhe, nga sa mund ta imagjinojmë, ose pastaj mashtrimi është kthyer në mënyrë jetese e nuk njeh më asnjë kufi, as njerëzor e as llogjik!

Abuzim dhe mashtrim, kaq kanë bërë në 7 vite sepse nuk njohin asnjë mënyrë tjetër pune! Modeli Edi Rama është fatkeqësi e kosto për shqiptarët!

#25prill#MePDshpresëpërShqipërinë

Të fundit