Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

34 të infektuar në 24 orë, gazetari Skendaj: Min. e Shëndetësisë përgënjeshtron ato që thotë nga mëngjesi në darkë

Politiko 25 Prill 2020, 12:37

Ministria e Shëndetësisë deklaroi sot zyrtarisht se 34 raste të reja janë konfirmuar të prekur me covid-19 gjatë 24 orëve të fundit.

Ministria sqaroi se pjesa më e madhe janë asimptomatikë, pra pa shenja të sëmundjes dhe kryesisht janë kontakte të rasteve positive të mëparëshme.

Ky fakt ka sjellë reagimin e gazetarit të News 24, Erjon Skendaj, i cili raporton çdo ditë mbi situatën e Covid-19 në vend, kryesisht pranë spitaleve Covid.

Sipas gazetarit, MSH me këto të dhëna po përgënjeshtron ato që thotë vetë , ndërsa u referohet prononcimeve të të intervistuarve të familjarëve të personave të infektuar.

Sipas tij, ata janë ankuar se askush nuk i ka testuar edhe pse vazhdojnë të lëvizin lirshëm dhe tu dërgojnë personave të shtruar te Infektivi veshje dhe ushqime.

“Sot jane raportuar zyrtarisht 34 raste te reja me covid 19. Nderkohe MSH nxitoi te qetesoje popullaten se te semuret jane asiptomatik, pra qe nuk kane shenja te semundjes. Nje genjeshter e madhe qe vertetohet lehtesisht si e tille. E para, vete MSH, permes grupit task force te ngritur, perfshire kryeministrin, ka lajmeruar vazhdimisht permes daljeve publike pa fund, me cdo mjet e forme te komunikimit publik, se po ndjek me perpikmeri protokollet e OBSH per kryerjen e testeve vetem per rastet qe paraqesin simptoma, (ethe, temperature, kolle, diarre, veshtiresi ne frymemarrje, etj). Madje kete keshille qe vete OBSH e hodhi poshte po vete ne fund te marsit, qeveria ne Shqiperi vazhdon ta ndjeke me fanatizem te pashoq si kunderpeshe te thirrjeve te opozites se duhen shume ne teper teste, marre shembull nga Italia, Franca, Koreja, SHBA, Gjermania, Spanja, etj.

Pra Minstria e Shendetsise po pergenjeshtron ato qe vete thote nga mengjesi ne darke. E dyta, si gazetar, une dhe koleget e mi qe kemi ndjekur nga afer situaten ne vijen e pare, kemi intervistuar dhe pyetur shume familjare te rrethit te pare te te semureve me covid 19, para Infektivit, qe pohojne se nuk ju eshte bere analiza PCR, (tamponi). Madje keta te fundit kane levizur lirisht ne popullate pavaresisht rrezikut te madh se mund te ishin bartes pa simptoma, (behet fjale per te aferm te rrethit me te ngushte si nena, babai, motra, vellai, i te semureve ne infektiv). Per me teper kane qene ata qe u kane sjelle dhe vijojne tu sjellin te semureve ne spital ushqime e rroba duke vene ne rrezik infektimi ne si gazetare, punonjesit e policise qe ruajne karantinen dhe vete personelin e infektivit, edhe pse keta te fundit jane me te mirepajisur me mjete mbrojtese. Pra kjo eshte nje genjeshter e rradhes qe tregon se sa ka funksionuar i ashtequajturi hetim epidermiologjik dhe sa te besueshme jane informacionet e centralizuara te qeverise. Keto qe them i mbeshtes me video fakte(te familjareve para infektivit dhe intervista me ta)”, shkruan gazetari.