Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

34 vjet nga fatkeqësia më e rëndë bërthamore në botë, a po kthehet Çernobili në një atraksion turistik?

Politiko 26 Prill 2020, 09:06

Ndërsa katastrofa e Çernobilit shënon përvjetorin e 34-t, vizita për atje është jashtëzakonisht aventureske. Në 34 vjetorin e aksidentit më të rëndë bërthamor në histori, zona e dekompozuar aktualisht po pranon vizitorë.

Më 26 Prill 1986, Ukraina u trondit nga shpërthimi gjatë një testi të zhvilluar në reaktorin bërthamor në Çernobil. Nga retë radioaktive që u krijuan si pasojë e shpërthimit, u dëmtuan afërsisht 7 milionë persona.

Shpërthimi ka bërë që një re e madhe e materialit radioaktiv të kalojë kufijtë e Ukrainës, në Rusi, në Bjellorusi dhe në Evropën veriore. Numri i njerëzve të vrarë nga katastrofa nuk dihet ende i saktë. Mendohet se 30 persona kanë vdekur në momentin e shpërthimit dhe në operacionin e shpëtimit. Por, një raport i Kombeve të Bashkuara, i publikuar në vitin 2005, ka llogaritur se 4,000 veta mund të kenë vdekur nga sëmundje që lidhen me materialin radioaktiv.

Bota nuk e dinte për katastrofën bërthamore, deri dy ditë më vonë kur teknikët skandinavë zbuluan nivele anormalisht të larta rrezatimi. Vetëm atëherë Bashkimi Sovjetik reagoi për katastrofën.

Rreth një dekadë më parë, qeveria ukrainase hapi zonën e prekur nga katastrofa bërthamore - një rreze prej 30 km e njohur si zona e përjashtimit - duke e shpallur sitin të sigurt, por me rregulla të rrepta.

Sot, qyteti më i afërt ku ndodhi shpërthimi, Pripyat është në të vërtetë fantazmë, por shumë i preferuar për turistët kureshtarë për të provuar vizualisht pasojat e një gabimi bërthamor.

Mark O’Connell, autor i librit të ri Shënime nga një Apokalips, vizitoi sitin për të parë vetë pse dikush do të dëshironte të vizitonte zonën.

"Doja të shoh se si dukej fundi i botës, në një farë mënyre," i tha ai NPR.

Me pandeminë globale të shkaktuar nga COVID-19 që godet me vështirësi turizmin, udhëtimet virtuale të drejtuara nga zona e përjashtimit janë tani një mundësi.

Një kompani turistike, Chernobyl Tour, ofron mundësi rezervimi në internet ku "udhëzuesit profesionistë do t'ju çojnë virtualisht në zonën e përjashtimit dhe do t'ju përgjigjen pyetjeve tuaja."

Turistëve u ofrohen gjithashtu azhornimet më të fundit të zonës, së bashku me foto, video dhe dokumente unike të zonës.

Një vit më parë, presidenti ukrainas Volodymyr Zelensky lëshoi një deklaratë gjatë së cilës tha se vendi i katastrofës bërthamore më famëkeqe në botë do të kthehet në një destinacion për turistët.

“Duhet t’i japim territorit një jetë të re”, deklaroi presidenti ukrainas.

Përshtatur nga: Toronto sun

Foto gjatë vizitave në Çernobil