Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

42 gjimnaziste të Fierit përfundojnë në urgjencë, ç'thotë ‘Shëndetësia’ dhe policia zyrtare: Një nxënës hodhi spraj piperi

Politiko 4 Mars 2020, 14:12

42 gjimnaziste të Fierit përfundojnë në urgjencë,

Një situatë sa kaotike aq edhe alarmante përfshiu qytetin e Fierit paraditen e sotme.

42 gjimnazistë, e dhënë zyrtare nga Ministria e Shëndetësisë, nga shkolla e mesme ‘Janaq Kilica’ përfunduan njëri pas tjetrit në urgjencën e spitalit rajonal, gjatë kohës zyrtare të procesit mësimor.

Të gjithë kishin të njëjtat simptoma, sidomos probleme me frymëmarrjen. Të dhënat deri tani nuk janë të qarta se pse erdhi gjithë kjo situatë kaotike, që shkaktoi jo pak panik edhe te familjarët e nxënësve.

Pak pas ngjarjes, policia reagoi me një njoftim zyrtar ku sqaroi se dyshohet se kishte qenë një nxënës i shkollës, ai i cili ka përdorur spraj piperi.

“Rreth orës 11:10, në spitalin Rajonal Fier kanë shkuar për kontroll mjekësor disa nxënës të një shkolle të mesme që kanë pasur probleme me frymëmarrjen.

Menjëherë në vendngjarje kanë shkuar shërbimet e Policisë dhe grupi hetimor dhe nga veprimet e para të kryera në bashkëpunim të ngushtë me Prokurorinë Fier, Drejtorinë Arsimore dhe Drejtorinë e Shkollës, paraprakisht dyshohet se është përdorur sprajt piperi nga një nxënës i kësaj shkolle.

Grupi hetimor nën drejtimin e Prokurorisë vijon veprimet për të zbardhjen e plotë të kësaj ngjarje”, sqaron policia.

Ndërkohë, më vonë Ministria e Shëndetësisë dhe Mbrojtjes Sociale reagon dhe sqaroi se nxënësit ishin paraqitur në urgjencë me shenja intoksikacioni.

[video width="848" height="480" mp4="https://cdnimpuls.com/politiko.al/uploads/2020/03/WhatsApp-Video-2020-03-04-at-13.29.00.mp4"][/video]

“Spitali Rajonal Fier bën me dije se 42 nxënës po marrin trajtim në këtë spital dhe gjendja e tyre shëndetësore është e stabilizuar.

8 prej tyre kanë lënë spitalin pasi kanë marrë ndihmën e nevojshme mjekësore, ndërsa pjesa tjetër po monitorohet në vazhdimësi, por mjekët konfirmojnë se, nuk ka asnjë prej tyre në gjendje të rëndë.

Ndërkohë, Inspektorati Shtetëror Shëndetësor menjëherë sapo është njoftuar për këtë ngjarje në gjimnazin “Janaq Kilica”, në qytetin e Fierit ka nisur grupet e inspektimit në terren për verifikim dhe marrjen e masave të menjëhershme. e është përdorur spraj piperi nga një nxënës i kësaj shkolle.

Aktualisht, nuk ka të dhëna për ndotje të ajrit në bazë të mostrave të marra nga Njësia Vendore e Kujdesit Shëndetësor Fier. Kjo analizë do të kryhet nesër në orën 07.30 për të vendosur hapjen e shkollës dhe vazhdimin normal të procesit mësimor”, njoftoi ministria.

[video width="848" height="480" mp4="https://cdnimpuls.com/politiko.al/uploads/2020/03/WhatsApp-Video-2020-03-04-at-13.29.16.mp4"][/video]

Ndërkohë, vetë nxënësit janë shprehur po ashtu kontradiktorë në deklaratat e tyre në media të ndryshme, madje pati edhe nga ata raste kur një nxënës duke folur për ‘news 24’ tha se e gjithë kjo kishte ndodhur pasi dikush u tha se do të inskenohet një lloj eksperimenti për të mësuar si do reagojnë nxënësit në raste të gjendjeve alarmante.

[video width="848" height="480" mp4="https://cdnimpuls.com/politiko.al/uploads/2020/03/WhatsApp-Video-2020-03-04-at-13.29.22.mp4"][/video]

Kujtojmë se edhe pak ditë më parë, një ngjarje e ngjashme u shënua në të njëjtën shkollë, por vetëm 7 nxënës patën probleme me shëndetin, por në këtë rast u tha se ata u helmuan gjatë orës së kimisë.